web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e dy qeverive në Kosovë/ Lubonja: Kurti ishte një figurant i spektaklit të Ramës

20 Qershor 2022, 21:31, Aktualitet CNA
Mbledhja e dy qeverive në Kosovë/ Lubonja: Kurti ishte një
Analisti Fatos Lubonja

Duke analizuar mbledhjen e sotme të përbashkët mes qeverisë së Kosovës dhe asaj të Shqipërisë në Prishtinë, analisti Fatos Lubonja e cilësoi gjithçka një 'show' dhe propagandë.

I ftuar në emisionin “Open”,  Lubonja tha se kjo mbledhje dhe deklaratat që u prodhuan nga këto zhvillime ishin kthim në klimën e patriotizmit. Sipas tij Kurti ishte një figurant i spektaklit të Ramës.

“Nëse jemi të bashkuar në Gjermani se po shkojmë atje bashkë me ata nga Kosova. Por këto 8 vjet kanë ikur 800 mijë shqiptarë prej këtej. Se di sa na kanë ikur nga Kosova. Këto janë propaganda e radhës, shoqëria e radhës, e spektaklit, ku mbulohet realiteti. Do të thosha se kishim një spektakël, ku Rama dallohet për mjeshtërinë e tij aktoreske, që i shërbente atij për të kaluar një situatë pak jo shumë të mirë për sa u përket raporteve me Kosovën, për shkak të 'Open Ballkan' apo dhe për vëllazërinë e tij me Vuçiçin. Kjo ishte një kthim në klimën e nacionalizmit që ka përdorur. Ajo që më bëri mua përshtypje ishte se çfarë i duhej ky spektakël Albin Kurtit? Ai u shfaq si figurant në këtë spektakël, shumë i zbathte. Mbrohej vetëm me atë fjalën ‘hekurudha’. Kurti nuk dha shpjegim, por u mbrojt ndaj agresivitetit të Ramës. Ai u mbrojt kur tha, jemi te procesi i Berlinit për të qëndruar. Ai nuk u sqarua se jemi të përqendruar aty se janë këto avantazhe për Kosovën. Çështja tjetër që kam me Albin Kurtin është se ai ka ardhur në pushtet me një premtim që ka të bëjë shumë me Shqipërinë dhe bashkimin, çlirimin e shtetit të kapur në Kosovë. Kjo sikur ka dalë fare nga qëllimi. Modeli i kapur është Shqipëria, ai model ishte bërë te ne. Ata bënë propagandë bashkë me Ramën. Ky vëllazërim me Edi Ramën për mua s’ka vlerë. U bashkuan në ‘fake patriotizëm’ për të mbuluar mëkatet”, tha Lubonja./CNA.al

 





Lajmet e fundit nga