LEXO PA REKLAMA!

SHKARKO APP

App Store
Google Play

Harta e re gjyqësore/ Adriana Kalaja: Do të zgjaten pa fund proceset gjyqësore, mbi 100 mijë dosje stok

20 Qershor 2022, 18:25, Aktualitet CNA
Harta e re gjyqësore/ Adriana Kalaja: Do të zgjaten pa fund proceset
Adriana Kalaja, në tryezën e diskutimit

Kryetarja e Komisionit të Apelimit në PD, Adriana Kalaja, deklaroi se janë mbi 100 mijë dosje stok që nuk dihet kur do të shqyrtohen.

Ajo gjatë fjalës së saj në një tryezë diskutimi me avokatët të organizuar nga Partia Demokratike, theksoi se Gjykata e Apelit Tiranë po shqyrton ende dosjet e vitit 2017, ndërsa shtoi se me hartën e re gjyqësore do të kemi zgjatje pa fund të proceseve gjyqësore.

"Situatë ku afatet dhe proceset gjyqësore janë shkelur, sidomos në Apel shkojnë mbi 50. Vetëm Apeli Tiranë po shqyrtohen dosjet e vitit 2017.

Pasi të hyjë ligji i hartës së re territoriale ku do të mbidhen gjithë dosjet, përveç një aksesi të munguar të publikuar do të kemi zgjatje pa fund të proceseve gjyqësore.

Do të mungojë aksesi edhe i avokatit. Shumë vendime merren në dhomë këshillimi nga gjyqtarët. Nuk ka një proces të rregullt gjyqësor", tha Kalaja.

Më tej ajo deklaroi se sistemi i qeverisjes nuk ka një iniciativë pozitive për t'i zgjidhur këto probleme./CNA.al

Lajmet e fundit nga