E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Tregoni kujdes në rrugë/ Qato: Nuk ka tolerancë për drejtuesit që shkelin rregullat

19 Qershor 2022, 19:05, Aktualitet CNA

Tregoni kujdes në rrugë/ Qato: Nuk ka tolerancë për

Drejtori i Policisë Rrugore, Altin Qato

Aksidentet e shumta dhe mbingarkimi i trafikut sidomos tani në sezonin veror, ka vënë në lëvizje policinë rrugore për të menaxhuar situatën. Drejtori i Policisë Rrugore, Altin Qato, ka deklaruar se po punohet për të mbajtur nën kontroll situatën, si në rrugët që të çojnë drejt bregut në zonat turistike, ashtu edhe për kontrollet në akset kryesore të rrugëve për të shmangur aksidentet.

Nga Vlora ku ka qenë për një inspektim, drejtori i Policisë Rrugore, Altin Qato, u ka bërë thirrje të gjithë drejtuesve të automjeteve të ndërgjegjësohen në lidhje me kodin rrugor pasi parakalime të gabuara dhe shkelje të ndryshme bëhen shkak i cenimit të sigurisë së qytetarëve.

Ai theksoi se do të ketë shtim të kontrolleve në të gjitha akset, ku më të larta kontrollet do të jenë përgjatë fundjavës, ndërsa u ka kërkuar drejtuesve të mjeteve që të ndjekin edhe rrugë alternative në mënyrë që të shmangin trafikun.

“Kemi edhe shumë shtetas që vijnë nga vendet e tjera prandaj ka më shumë lëvizje në këtë periudhë”, tha Qato.

Më tej, ai theksoi se nuk do të tolerojë asnjë drejtues mjeti që bën parakalime të gabuara sepse prishin bashkëjetesën qytetare dhe shkelin kodin rrugor. Secili duhet të presë radhën. E premtja është ditë shumë e rënduar prandaj ka më shumë kontrolle edhe e diela gjithashtu që kthehen. Qëllimi nuk është të vendosim gjoba, por të ndërhyjmë në rast shkeljeje pasi mund të rrezikohet siguria./CNA.al