LEXO PA REKLAMA!

SHKARKO APP

Ish-kreu i Prokurorisë së Kukësit u dënua për korrupsion/ KLP firmos shkarkimin e tij

30 Janar 2023, 14:35, Aktualitet CNA

Ish-kreu i Prokurorisë së Kukësit u dënua për

Këshilli i Lartë i Prokurorisë pranoi sot kërkesën e Inspektorit të Lartë të Drejtësisë për procedim disiplinor me masën “shkarkim nga detyra”, për magjistratin Etmond Karriqi me detyrë prokuror në Prokurorinë pranë Gjykatës së Rrethit Gjyqësor Lushnjë dhe Drejtues i caktuar përkohësisht në Prokurorinë pranë Gjykatës së Rrethit Gjyqësor Kukës.

Prokurori Karriqi është dënuar me vendim të formës së prerë me 2 vjet e 4 muaj burgim për kryerjen e veprës penale “Korrupsion pasiv i gjyqtarëve, prokurorëve dhe funksionarëve të tjerë të drejtësisë, çka përbën “Shkelje shumë të rëndë disiplinore”.

Karriqi ka diskretituar pozitën dhe figurën e magjistratit, ka cenuar rëndë imazhin e drejtësisë dhe ka ulur besimin e publikut te dhënia e drejtësisë.

Për pasojë Inspektori i Lartë i Drejtësisë i kërkoi Këshillit të Lartë të Prokurorisë administrimin e provave të paraqitura nga ana e ILD në këtë procedim disiplinor dhe pranimin e kërkesës së ILD për caktimin ndaj magjistratit Karriqi të masës disiplinore “Shkarkim nga detyra” për shkelje disiplinore të parashikuara nga neni 148/d, pika 2, shkronja “b” e Kushtetutës dhe nga neni 104, pika 3 e ligjit nr. 96/ 2016 “Për statusin e gjyqtarëve dhe prokurorëve në Republikën e Shqipërisë”, i ndryshuar”./CNA.al

Lajmet e fundit nga