web counter
LEXO PA REKLAMA!

SHKARKO APP

App Store
Google Play

E fundit!

x

Hiqet moratoriumi i gjuetisë/ Armand Burri për CNA: Projektligji i hartuar mirë 

28 Gusht 2025, 19:51, Aktualitet CNA

Ministria e Mjedisit ka hedhur për konsultim publik projektligjin për gjuetinë. Shoqatat e gjuetarëve në vend e kanë mirëpritur këtë vendim, që do t'i jepte fund moratoriumit mbi 10-vjeçar në vend.

Në një intervistë për CNA, kryetari i Shoqatës së Gjuetarëve Tiranë, Armand Burri thotë se projektligji është i mirë dhe i jep zgjidhje ngërçit të krijuar. 

“Ministria e Mjedisit ka hedhur në diskutim një projektligj i cili është shumë ç mirë dhe shumë i formatuar në lidhje me të gjithë rregullat ndërkombëtare për gjuetinë. Në tërësi ligji ka të bëjë dhe me kalimin e kompetencave nga Ministria e Mjedisit, te pushteti vendor. Këtë menaxhim do ta bëjë pushteti vendor me shoqatat e gjuetisë, të cilat do të përcaktojnë sezonin dhe pjesën në të cilën do realizohet dhe aktiviteti për gjuetinë”, tha Burri.
  

Megjithatë Burri thotë se moratoriumi nuk është zbatuar në Shqipëri dhe gjuetia e paligjshme ka qenë gjithnjë prezente. 
  

“Në vetvete moratoriumi nuk e arriti qëllimin që kishte, se pjesë e tij ishte që fauna të shtohet, me këtë argument u realizua moratoriumi por në të kundërt një pjesë e mirë e gjuetarëve te paliçensuar e kanë ushtruar këtë aktivitet. Por shoqata bashkë me federatën, me specialistët më të mirë që ne kemi, ka arritur dhe kemi bërë kosnsultim me Ministrinë e Mjedisit, lidhur me hartimin projektligjit të ri për gjuetinë", tha Burri.
  

Ligji për moratoriumin e gjuetisë u miratua në vitin 2016 dhe më në fund pas rreth 10 viteve do të shfuqizohet./ CNA
 





Lajmet e fundit nga