web counter
LEXO PA REKLAMA!

SHKARKO APP

App Store
Google Play

E fundit!

x

Dita Ndërkombëtare e të Zhdukurve/ Gonzato: Jam përballur me histori që ende nuk kanë marrë drejtësi

28 Gusht 2025, 16:53, Aktualitet CNA
Dita Ndërkombëtare e të Zhdukurve/ Gonzato: Jam përballur me
Ambasadori i Bashkimit Europian në Tiranë, Silvio Gonzato


Këtë të enjte në Shkodër është mbajtur simpoziumi shkencor me temë "Kufiri i shpresës dhe i vdekjes 1944-1991 - Shkodra përballë të kaluarës", në Përkujtim të Ditës Ndërkombëtare të të Zhdukurve.

Të pranishëm në simpozium kanë qenë figura të ndryshme përfshirë dhe nga politika në Shqipëri.

Ambasadori i Bashkimit Europian në Tiranë, Silvio Gonzato në fjalën e tij tha se nuk duhet të harrojmë të kaluarën në mënyrë që të mos përsëriten të njëjtat gabime në të ardhmen dhe se BE e ka mbështetur Shqipërinë në çështjen e personave të zhdukur dhe kjo mbështetje do të vazhdojë.

Ndër të tjera Gonzato tha se përballja me të shkuarën nuk është vetëm detyrë e institucioneve, por është përgjegjësi kolektive, ku po ashtu shtoj se sa herë ka qenë në Spaç është përballur me histori që ende nuk kanë marrë drejtësi.

“Historia europiane na ka treguar se shoqëritë janë më pranë drejtësisë kur përballen me të kaluarën e errët. Të mos harrojmë kurrë të kaluarën, në mënyrë që të mos përsërisim të njëjtat gabime në të ardhmen. Që prej vitit 2017, Bashkimi Europian ka mbështetur Shqipërinë në çështjen e personave të zhdukur, dhe ne do të vazhdojmë ta ofrojmë këtë mbështetje. Përballja me të shkuarën nuk është vetëm detyrë e institucioneve, por është përgjegjësi kolektive. Sa herë kam qenë në Spaç, jam përballur me histori që ende nuk kanë marrë drejtësi. Këto pritshmëri duhet të përmbushen. Nuk mund të lejojmë që të kujtohemi për ta vetëm atëherë kur ata janë në pikën më kritike”, tha Silvio Gonzato, ambasadori i BE./CNA

 





Lajmet e fundit nga