web counter
LEXO PA REKLAMA!

SHKARKO APP

E fundit!

x

Izolohet plotësisht vatra e zjarrit në fshatin Bratë të Kukësit/ Rreziku për malin e Gjallicës dhe Parkun Korab-Koritnik shmanget

28 Gusht 2025, 16:09, Aktualitet CNA

Izolohet plotësisht vatra e zjarrit në fshatin Bratë të

Vatra e zjarrit që u përhap mesditën e sotme në fshatin Bratë, Njësia Administrative Bicaj, në Kukës, është neutralizuar plotësisht. Sipas Shërbimit të Mbrojtjes nga Zjarri dhe Shpëtimi pranë Bashkisë Kukës, situata është vënë nën kontroll dhe aktualisht nuk ka më rrezik për përhapje të flakëve në zona të tjera.

Zjarri kishte rënë në vendgrumbullimin e mbetjeve urbane të fshatit, duke rrezikuar malin e Gjallicës dhe sipërfaqe të Parkut Kombëtar Korab-Koritnik. Në terren u angazhuan 15 efektivë të zjarrfikëses, një automjet zjarrfikës, 10 punonjës të bashkisë, si dhe banorë të zonës që kontribuan si vullnetarë për të përballuar situatën.

Aktualisht, zona vijon të mbahet nën monitorim për të shmangur riaktivizimin e mundshëm të zjarrit. Dyshohet se shkaku i flakëve mund të ketë qenë i qëllimshëm. Autoritetet vendore kanë nisur hetimet për të sqaruar rrethanat e ngjarjes./CNA





Lajmet e fundit nga