Foto-Protesta e 8 janarit/ 1 vit nga dhuna e policisë dhe njerëzve të Bashës ndaj demokratëve

8 Janar 2023, 13:16, Aktualitet CNA

Foto-Protesta e 8 janarit/ 1 vit nga dhuna e policisë dhe njerëzve

Pamje nga protesta

Sot, një vit më parë, Lulzim Basha, në atë kohë kryetar i PD-së, u ngujua në seli bashkë me një grup deputetësh pasi e blindoi me dhjetëra ton hekur.

Protesta e 8 janarit të vitit 2022, u thirr nga lideri historik, Sali Berisha, i cili përjashtua nga Lulzim Basha në shtator të vitit 2021.

Mijëra militantë u mblodhën përpara selisë, pas disa dhjetëra foltoreve, që sollën një proces kundër Lulzim Bashës që u mbyll me një Kuvend Kombëtar në dhjetor të vitit 2021.

Basha, bashkë me banditët e tij morën masat dhe u siguruan të zaptonin selinë. Qindra tonë hekura, mijëra llamarina mbuluan korridoret dhe fasadën e brendshme të selisë së PD-së.

Basha ushtroi dhunë ndaj demokratëve, duke hedhur ndaj tyre gaz lotësjellës apo edhe flakadanë, dhe duke i goditur me dru dhe sende të forta.

Pamje nga protesta në 8 Janar

Foto-Protesta e 8 janarit/ 1 vit nga dhuna e policisë dhe njerëzve

E gjithë kjo sepse nuk donte të linte karrigen e tij dhe selinë blu pas Kuvendit të 11 dhjetorit ku u shkarkua si kryetar.

Lulzim Basha u mbyll brenda në seli, së bashku me disa kokrra deputetësh, që e mbështesnin në misionin e tij përçarës.

Enkelejd Alibeaj, Gazment Bardhi, Jorida Tabaku, Ervin Salianji, Grida Duma, Agron Gjekmarkaj, Ferdinand Xhaferraj, ishin disa prej përçarësve, të cilët qëndronin krah Bashës dhe shihnin si dhunoheshin dhe rrezikohej jeta e demokratëve.

Agron Gjekmarkaj

Foto ilustruese

Grida Duma

Deputeti i skandalit erotik, Ervin Salianji, nuk ngurroi të kapte shkopin e besjbollit për të goditur demokratët. I gatshëm për të qëlluar cilindo që tentonte t’i rrëmbente karrigen Bashës.

Ervin Salinaji me dru kundër protestuesve

Disa banditë, merecenarë të urdhëruar nga Basha, godisnin me shkopinj protestuesit.

Foto-Protesta e 8 janarit/ 1 vit nga dhuna e policisë dhe njerëzve

Qindra forca policie mbërritën në seli për të ndaluar tensionet, duke i përzënë me ujë dhe gaz lotësjellës dhe duke shoqëruar në polici dhjetëra protestues që kërkonin të drejtën për të hyrë në selinë e PD-së, e cila që nga themelimi i saj është konsideruar si shtëpia e tyre.

Foto-Protesta e 8 janarit/ 1 vit nga dhuna e policisë dhe njerëzve

Demokratët ishin në një terror psikologjik dhe fizik, pasi po përballeshin me një grusht tradhtarësh dhe dhunues të komanduar nga ish-kryetari Basha, që për vite me radhë i kishte dhënë vetëm humbje në seri kësaj force politike.

Përveç dështimit dhe mbajtjes së karriges për interesat e tij personale, Lul Basha në 8 janar i dhunoi fizikisht dhe psikologjikisht./ CNA.al