“Jemi në një situatë katastrofike”/ Fuga: SPAK, i penguar nga politika

7 Janar 2023, 18:34, Aktualitet CNA

“Jemi në një situatë katastrofike”/ Fuga: SPAK, i

Akademiku Artan Fuga

Akademiku Artan Fuga është shprehur se SPAK ende është mes kontraditave që e bëjnë atë të mos veprojë lirshëm.

Fuga thekson se SPAK ende ndodhet para pengesave politike që e bëjnë atë të mos ketë të fituar kapacitet për të vendosur drejtësi dhe për të çuar para luftën kundër korrupsionit në Shqipëri.

Sipas akademikut jemi akoma në një situatë katastrofike pasi ka çështje që nuk shqyrtohen, ka vonesë, që do të thotë se një shoqëri që nuk jep drejtësi në mënyrë të shpejtë, është shumë rëndë.

“Nuk jam një njeri që kam interesimin për atë gjënë konkrete që ka ndodhur tek zgjedhja e kreut të SPAK, por e shikoj në një pamje më të gjerë. Në çfarë situate ndodhet sistemi gjyqësor shqiptar? Ndodhet në një kontradiktë me dy anë të cilat është shumë vështirë të kombinohen dhe deri tani nuk kanë kombinuar dot. Ana e parë është që reforma e 2016 tregoi se ne kishim dhe kemi një mungesë të madhe në ndarjen e pushtetit. Ndarje pushteti gjyqësor nga pushteti politik, ekzekutiv.

Pra ndarja e drejtësisë nga politika. U desh ndërhyrja e ndërkombëtarëve në 2016 që të ndërmerrej një reformë në mënyrë që të bëhej nën ndikimin e faktorit të jashtëm sepse politika shqiptare kishte krijuar këtë simbiozë që e bënte gjyqësorin të mos vepronte në mënyrë të pavarur. Ana e dytë, kjo bëri që gjyqësori të funksionojë me mbështetjen e ndërkombëtarëve. Kjo mbështetje nga jashtë vjen sepse sistemi politik shqiptar nuk krijon dot ndarjen e pushteteve. Në momentin që faktori i jashtëm bën këtë çarje, ndodh që përsëri pavarësia e gjyqësorit në sytë e publikut nuk sigurohet, sepse krijohet një ndikim nga jashtë, që krijon probleme me kushtetutën dhe konceptet që kemi për sovranitetin.

Kjo bën që SPAK të ndodhet brenda këtyre kontradiktave dhe të mos ketë mundësinë të veprojë lirshëm. SPAK ende ndodhet para pengesave politike që e bëjnë atë të mos e ketë të fituar atë kapacitet për të vendosur drejtësi dhe për të çuar para luftën kundër korrupsionit në Shqipëri. Jemi akoma në një situatë katastrofike pasi ka çështje që nuk shqyrtohen, ka vonesë, që do të thotë se një shoqëri që nuk jep drejtësi në mënyrë të shpejtë, është shumë shumë e rëndë”,ka thënë Fuga në intervisten me gazetaren Nisida Tufa./ CNA.al