web counter
LEXO PA REKLAMA!

SHKARKO APP

App Store
Google Play

E fundit!

x

“Prerja e kokave” të ambasadorëve/ Xhaçka, me sytë nga Rama

7 Janar 2023, 13:28, Aktualitet CNA

“Prerja e kokave” të ambasadorëve/ Xhaçka, me

Pas takimit të tij me presidentin Bajram Begaj ditën e djeshme, kryeminsitri Edi Rama ka paralajmëruar ndryshimet që parashikohen të ndodhin në trupën diplomatike të Shqipërisë.

Ditën e sotme ministrja e jashtme, Olta Xhaçka, është pyetur nga gazetarët se cilët ambasadorë do të preken nga ndryshimet.

Ajo është shprehur se nuk ka ende emra të caktuar dhe ndër të tjera theksoi se ky ështe një proces shumë i rëndësishëm, pasi përzgjedhja e trupave diplomate kërkon disa kritere specifike.

Ajo tha se diskutimet vijojnë për këtë çështje dhe në momentin që do të përzgjidhen ambasadorët do të dalin në një deklaratë publike.

“Nuk po diksutojmë emra, nuk e dimë se kush do të preket nga kjo gjë ende. Ndërrimi i tyre ka një cikël, përzgjidhen se kush do të vendoset në bazë të disa kritereve. Pas diskutimesh të shumta ne vendosëm se duhet të ripërtërijmë personat që janë në krye të diplomacisë. Kemi qenë në diskutim të vazhdueshëm për të zgjedhur njerëzit e duhur dhe të përshtashëm për të qenë në atë vend. Kanë qenë vite të vështira këto për diplomatët e ambasadorët ndaj dhe gjykuam se duhet të vinte ky moment që të zgjidhnim persona të rinj si ambasadorë diplomatikë. Kur do të kemi emrat do t'i publikojmë, tashmë jemi ende në fazë diskutimi", u shpreh ajo./ CNA.al





Lajmet e fundit nga