“Pyetja e fundit për median që shpif e sajon”/ Arian Galdini “i përvishet” “Top Channel” dhe “Fiks Fare”

6 Janar 2023, 16:48, Aktualitet CNA

“Pyetja e fundit për median që shpif e sajon”/ Arian

Kreu i LRE-së, Arian Galdini

Kreu i LRE-së, Arian Galdini, ka drejtuar pyetjen e fundit ndaj emisionit investigativ "Fiks Fare" dhe "Top Channel", pas denoncimit se ish-anëtarë të kësaj partie e akuzonin për mostransparencë me kontributet.

Me anë të një statusi në rrjetet sociale, Galdini ka kritikuar sërish qëndrimin e “Top Channel” dhe “Fiks Fare”, të cilët pavarësisht se kanë bërë një denoncim, nuk i kanë dhënë hapësirë të flasë të vërtetën.

Ai thekson se është e turpshme, flagrante, joprofesionale, skandaloze për një televizion kombëtar që godet, bullizon, baltos, denigron një njeri padrejtësisht me shpifje dhe sajesa dhe nuk i jep mundësi të përgjigjet.

Arian Galdini sfidon “Top Channel”/ Ja përse u hodh baltë mbi mua në “Fiks Fare”
3 Janar, 22:51

Sipas tij, mediat kombëtare janë bërë si furgonë hashashi që merren me qira e pagesë nën dorë e përdoren nga gjithfarë batakçiu, banditi, transportuesi e punëtori shtëpie bari.

“Edhe pyetja e fundit për “Top Channel” dhe “Fiks Fare”!

A nuk ju vjen turp që sulmoni e denigroni një njeri padrejtësisht dhe nuk i jepni as mundësinë të përgjigjet???

Ka prej datës 26 dhjetor që “Top Channel” dhe “Fiks Fare” kanë hedhur baltë me rrena e sajesa bajate kundër meje e ndonëse kronika e tyre nuk ishte as investigim e as e gjithëanshme, ata nuk ma kanë mua mundësinë e përgjigjes apo të anës sime të të vërtetës…

Arian Galdini përgënjeshtron “Top Channel” dhe “Fiks Fare”/ Banda baltosëse, denigruese e gjobëvënëse
30 Dhjetor, 21:23

A nuk është e turpshme, flagrante, joprofesionale, skandaloze për një televizion kombëtar që godet, bullizon, baltos, denigron një njeri padrejtësisht me shpifje dhe sajesa dhe nuk i jep mundësi njeriut të sulmuar që të përgjigjet???

Po kërkoj me ngulm që pas datës 26 dhjetor që “Top Channel” dhe “Fiks Fare” të më thërrasin e të më japin mundësinë e përgjigjes dhe të të vërtetave të mia, por ata refuzojnë paturpësisht…

Edhe thoni miq e qytetarë se kemi media të lira në Shqipëri…

"Denoncim pa prova dhe fakte"/ Analiza e Arian Galdinit: "Fiks Fare" dhe "Top Channel", si banda e 19 gushtit
28 Dhjetor, 12:57

Këtu mediat kombëtare janë bërë si furgonë hashashi që merren me qira e pagesë nën dorë e përdoren nga gjithfarë batakçiu, banditi, transportuesi e punëtori shtëpie bari…

Turp i madh…

Turp”, thekson Galdini./ B.A. – CNA.al