web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Akademia e Shkencave të Serbisë do t’i japë Ramës çmimin “Çubrilloviç”

7 Janar 2023, 18:49, Aktualitet CNA
Berisha: Akademia e Shkencave të Serbisë do t’i japë
Foto ilustruese

Kryetari i PD-së, Sali Berisha, ka bërë me dije në rrjetet sociale, se kryeministrit Edi Rama do t’i jepet çmimi “Vaso Çubrilloviç”, nga Akademia e Shkancave të Serbisë.

Berisha shkruan më tej se, Rama e mertion çmimin pasi në 7 vite ka dëbuar më shumë njerëz se në çdo vend apo luftë botërore, lokale apo civile.

“Edi Rama laurohet me çmimin Çubrilloviç.

Akademia e Shkencave e Serbisë thuhet se po përgatit vendimin për akordimin e Çmimit të Zi të Vaso Çubrilloviçit për meritat e jashtëzakonshme të dëbimit të shqiptarëve nga Shqipëria Edi Ramës. Në vitet 2014-2018 Rama me politikat e tij të kalkuluara për përzënie të qytetarëve, dëboi nga Shqipëria për në vende të tjera 31% të qytetarëve të saj. Pra ai meriton çmimin sepse dëboi në 7 vite nga vendi i tij  më shumë se sa kanë dëbuar ndonjëherë nga ndonjë vend çdo luftë botërore, lokale apo civile. Akademia i njeh meritë të veçantë Ramës në shkatërrimin e të ardhmes së shqiptarve në Shqipëri. Në doktrinën e tij të spastrimit etnik të trojeve shqiptare, akademiku kriminel Çubrilloviç parashikonte shkatërrimin e nënës shqiptare sepse ajo lind dhe rrit shumë femijë. Akademia konstaton se në 7 vite kryesisht për shkak të politikave të Edi Ramës vetëm për në hapsirën e BE u larguan 744 mijë shqiptarë nga të cilët 520 mijë janë të rinj dhe femijë. Një  komb pa femijë dhe të rinj të ardhme nuk ka.

Akademia thuhet se do kërkojë që nderimi i Ramës të bëhet në Beograd dhe jo në selinë e saj, por në selinë e Parlamentit të Serbisë në seancën plenare të këtij parlamenti në  prani  të autoriteteve më të larta shtetërore, fetare dhe  akademike mbasi spastrimi etnik i shqiptarëve nga Rama tejkalon të gjitha spastrimet etnike të Gjeorgjeviçit, Paniçit, Titos, Rankoviçit, Millosheviçit dhe padronit të tij Vuçiç”, shkruan Berisha në rrjetet sociale./ CNA.al

Berisha: Akademia e Shkencave të Serbisë do t’i japë





Lajmet e fundit nga