web counter
LEXO PA REKLAMA!

SHKARKO APP

App Store
Google Play

“Fitorja e opozitës në 2027 varet nga kandidatët”/ Agron Duka: Nuk përjashtoj garën në Durrës

23 Prill 2026, 22:38, Aktualitet CNA

“Fitorja e opozitës në 2027 varet nga kandidatët”/

Kreu i Partia Agrare Ambientaliste, Agron Duka, vlerëson se opozita ka mundësi reale për të marrë disa bashki në zgjedhjet vendore të vitit 2027, por gjithçka, sipas tij, lidhet me përzgjedhjen e figurave konkurruese.

Në një intervistë në Klan News, ai theksoi se zgjedhjet lokale nuk vendosen vetëm nga partitë, por kryesisht nga profili dhe besueshmëria e kandidatëve në terren.

Duka pranoi se aktualisht opozita nuk ndodhet në pozicion të favorshëm në shkallë të gjerë, megjithatë përmendi raste konkrete ku ajo ka treguar potencial, si në Kavajë, si dhe mundësi për të qenë konkurruese në Durrës.

Sa i përket një kandidimi të mundshëm të tij në Durrës, ai nuk dha një përgjigje përfundimtare, por la të hapur skenarin.

Sipas Dukës, një vendim i tillë do të merret në bazë të kalkulimeve politike dhe shanseve konkrete për fitore, duke mos përjashtuar as garimin nën siglën e partisë që ai drejton.

Ai shtoi se koha deri në zgjedhje mbetet e mjaftueshme për të vlerësuar situatën dhe për të marrë një vendim përfundimtar./ CNA





Lajmet e fundit nga