web counter
LEXO PA REKLAMA!

SHKARKO APP

App Store
Google Play

"Hetimet mund të avancojnë"/ Këlliçi: AKSHI, afera personale e Ramës

23 Prill 2026, 22:27, Aktualitet CNA

"Hetimet mund të avancojnë"/ Këlliçi: AKSHI,

Deputeti i Partisë Demokratike, Belind Këlliçi ka folur mbrëmjen e sotme për abuzimet e AKSHI-t, të cilat i ka cilësuar si “afera personale” e kryeministrit Edi Rama.

Lidhur me hetimet Këlliçi tha në një dalje televizive se mund të ketë avancim në këtë dosje për shkak se sipas tij janë të përfshirë shtetas të BE-së.

“Që AKSHI-është kopshti privat i Edi Ramës, kemi vite që e themi. Unë mendoj se do të ketë avancim në këtë dosje se janë të përfshirë shtetas të BE-së. Por që kemi të bëjmë me aferë personale të kryeministrit, këtë nuk ka njeri që nuk e di”, tha deputeti.

Këlliçi ka folur edhe për braktisjen e seancës plenare nga opozita pas përjashtimit të nënkryetarit të PD-së Luçiano Boçit. Ai u shpreh se për shkak të skandaleve që sipas tij kanë përfshirë qeverinë, merren masa për të përjashtuar deputetët e opozitës dhe prishen seanca plenare.

“Doli kryeministri na tha se nuk kishte shtëpi dhe doli me tre-katër shtëpi, doli me 20 mijë metra tokë. Doli e tha e gjora, i qau hallin se nuk kishte dhe na doli edhe me makina e pasuri. Dhe tani çfarë ndodh tani, aty në Kuvend, del kryeparlamentari Peleshi dhe përjashton me masë deputetin dhe nënkryetarin e PD, Luçiano Boçi, mori vendim brenda një minuti, mori tre masa dhe e përjashtoi, kur diskutohej për ligjin për Arsimin. Kërkova fjalën pas pesë minutash pushim dhe kërkova të tërhiqeshin nga përjashtimi dhe në asnjë mënyrë as Peleshi dhe as Balla nuk pranuan. Dhe në shenjë solidariteti pati edhe deputetë të tjerë të opozitës që e braktisën. Edhe seancën tjetër mund të ndodhë që të gjendet artificë të prishet seanca gjatë debateve dhe të pengohet opozita, që t’i hidhet faji. Kemi kërkuar prej muajsh tre interpelanca dhe na vjen vetëm sot ministrja e Shëndetësisë në sallë”, tha Këlliçi. /CNA





Lajmet e fundit nga