web counter
LEXO PA REKLAMA!

SHKARKO APP

App Store
Google Play

Çështja “Partizani”/ Rama dëshmitar, Eugen Beci: GJKKO ka konstatuar diçka

23 Prill 2026, 21:47, Aktualitet CNA

Çështja “Partizani”/ Rama dëshmitar, Eugen Beci:

Ish-prokurori i Krimeve të Rënda, Eugen Beci, ka komentuar zhvillimet e fundit lidhur me çështjen “Partizani”, duke u ndalur te thirrja e kryeministrit Edi Rama si dëshmitar në Gjykata e Posaçme kundër Korrupsionit dhe Krimit të Organizuar (GJKKO).

I ftuar në emisionin Opinion, Beci theksoi se refuzimi i një vendimi gjykate është praktikisht i pamundur, përveç rasteve kur ekzistojnë arsye objektive dhe të argumentuara ligjërisht.

“Për çdo arsye tjetër, personi është i detyruar të paraqitet,” u shpreh ai, duke nënvizuar rëndësinë e respektimit të vendimeve të gjykatës.

Sipas Becit, fakti që GJKKO ka pranuar kërkesën për të marrë në pyetje Ramën si dëshmitar tregon se gjykata ka vlerësuar me kujdes çështjen dhe ka konstatuar elementë që e bëjnë të nevojshme këtë dëshmi.

Ai sqaroi gjithashtu procedurën: në momentin që kryeministri paraqitet në gjykatë si dëshmitar, ai pyetet fillimisht nga pala që e ka kërkuar, ndërsa më pas edhe i pandehuri ka të drejtë t’i drejtojë pyetje drejtpërdrejt.

Beci theksoi se, pas dhënies së betimit, dëshmitari është i detyruar t’u përgjigjet të gjitha pyetjeve që i drejtohen në përputhje me ligjin.

“Është e pamundur të refuzosh një vendim gjykate. Për aryse objektive mund të mos shkojë për çdo arsye tjetër është i detyruar të shkojë. Duhet të jetë e argumentuar.

Fakti qe GJKKO pranon të pyesë si dëshmitar Ramën kanë peshuar aq shumë atë problem sa kanë konstatuar diçka të tillë.

Në momentin që Rama shkon në GJKKO si dëshmitar pyetet pala që e ka kërkuar, edhe i pandehuri mund ta pyesë direkt Ramës. Në rast se bën betimin je i detyruar tu përgjigjesh të gjitha pyetjeve”, tha Beci./ CNA

 





Lajmet e fundit nga