LEXO PA REKLAMA!

SHKARKO APP

“Çfarë gazetarie”/ Artan Fuga, “dush të ftohtë” mediave

4 Qershor 2022, 11:12, Aktualitet CNA

“Çfarë gazetarie”/ Artan Fuga, “dush të

Profesor Artan Fuga e ka “shkundur” median ditën e sotme. 

Duke iu referuar raportimit të inaugurimit të Kopshtit Zoologjik, ku nuk preken detaje të rëndësishme, përveç fjalimit të kryeministrit Edi Rama, Fuga nënvizon se gazetaria ka marrë tatëpjetën.

Fuga ka bërë thirrje për të lënë mënjanë propaganda dhe për t’u fokusuar tek interesi publik, për të dërguar te publiku informacionin që është i dobishëm për ta.

“Uaaa çfarë gazetarie!!!

Nuk e le media gazetarin apo gazetaren të raportojë si duhet me profesionalizëm!

Imagjino edhe kur inagurohet Parku Zoologjik në Tiranë, media raporton se çfarë tha kryeministri!

O Zot, ku kemi rrëshkitur!

Po thuaj o gazetar a gazetare çfarë kafshësh ka? A ka kafshë të egra a të buta? A ka tigra, luanër, elefantër, pula, pata, ujq, gomerë, çfarë ka brenda?

Se mos ka edhe shpezë shtëpiake a dhi, dele, e lama se ajo nuk është ferma e kafshëve të Orëellit, por nuk është as vathë a qymez kooperative!

Sa kanë kushtuar?

Ku i kanë gjetur?

Sa vende pune hapen?

Sa lekë është bileta?

Sa na kushton mbajtja?

Me çfarë do t'i ushqejnë?

Sa respektohen të drejtat e kafshëve?

A përfaqësohet e gjithë bota e faunës shqiptare, po ballkanike?

Këto na thuaj a derëbardhë, lërini propagandat t'i bëjë tjetër kush! Raportoni për publikun!”, shkruan Fuga në rrjete sociale.

Lajmet e fundit nga