LEXO PA REKLAMA!

SHKARKO APP

Sokol Ngresi, anëtar i 13 i Gjykatës së Lartë/ Kim: Hap i madh për reformën në drejtësi

3 Qershor 2022, 16:29, Aktualitet CNA

Sokol Ngresi, anëtar i 13 i Gjykatës së Lartë/ Kim: Hap i

Ditën e sotme Presidenti, Ilir Meta, ka dekretuar emërimin e gjyqtarit Sokol Ngresi si anëtar i Gjykatës së Lartë.

Ambasadorja Yuri Kim, përmes një postimi në rrjetet sociale, shkruan se ky është një hap i madh për reformën në drejtësi dhe se kjo do të thotë që Gjykata e Lartë tani është në gjendje të kryejë të gjitha funksionet.

Sipas Kim, ky hap i madh është falë bashkëpunimit të mirë mes institucioneve të drejtësisë dhe Presidencës.

“Hap i madh përpara për reformën në drejtësi: Gjyqtari i 13-të i Gjykatës së Lartë u dekretua sot, duke i dhënë mundësi dhomave të bashkuara të arrijnë përfundimisht kuorumin pas 5 vitesh. Kjo do të thotë se Gjykata e Lartë tani është në gjendje të kryejë të gjitha funksionet, të shqyrtojë më shumë çështje dhe amendime të çështjeve ligjore në mënyrë racionale. Ky hap i madh është falë bashkëpunimit të mirë mes institucioneve të drejtësisë dhe Presidencës. Shpresojmë që kjo të vazhdojë. Reforma në drejtësi nuk ka qenë e lehtë, e shpejtë apo e përsosur, por përfundimisht po ecën përpara dhe po prodhon rezultate reale”, shkruan Yuri Kim./ A.E-CNA.al

Lajmet e fundit nga