web counter
LEXO PA REKLAMA!

SHKARKO APP

App Store
Google Play

E fundit!

x

Dy ikona si Migjeni dhe Dritëroi/ Luan Rama nderon shkrimtarët: Bekim i përjetshëm për letërsinë shqipe

13 Tetor 2022, 18:48, Kulturë CNA
Dy ikona si Migjeni dhe Dritëroi/ Luan Rama nderon shkrimtarët: Bekim
Migjeni dhe Dritëro Agolli

Luan Rama ka përkujtuar ditën e sotme dy shkrimtarët e mëdhenj të letërsisë shqipe, Migjenin dhe Dritëro Agollin.

Të dy të lindur si për koincdencë në një ditë, i dhuruan letërsisë shqipe shpirtin e tyre, duke lënë pas një thesar të paçmuar në botën e artit të shkruar. 

Përmes disa vargjeve të ndjera, në shkrimin e tij në "Facebook", Luani shprehet se dy shkrimtarët ishin një bekim për letërsinë shqipe. 

Statusi

Në datën e lindjes:
MIGJENI - ASKUSH SI AI
Prej një rastësie magjike, 13 tetori i ka sjellë në jetë botës shqiptare dhe universit të kulturës së saj dy emra të mëdhenj, Migjenin dhe Dritëronë.
Të lindur me njëzet vjet diferencë prej njëri-tjetrit, Migjeni dhe Dritëroi i dhanë kohës së letërsisë emrin e tyre.
Ndaj sot, në datën e lindjes, mund të themi se letërsia shqipe ka qenë e bekuar dhe fatlume që Migjeni dhe Dritëroi iu falën e iu dhanë asaj.
Ata iu bënë pararendës në kohën që jetuan dhe mbeten bekim i përjetshëm për letërsinë dhe kulturën tonë kombëtare.
Migjenin, nga çdo pikëpamje ta shohësh dhe vlerësosh, nuk mund ta përcaktosh ndryshe, përveçse një fenomen fatlum dhe dritësues për letërsinë shqipe.
Ai i dha asaj më i pari dhe më me guxim e mençuri prej të tjerëve përmasën qytetare dhe modernitetin e munguar jo vetëm si formë artistike, por edhe si përmbajtje, edhe si tendencë, edhe si e ardhme.
Vepra e Migjenit ka tjetër nerv dhe ndjesi, tjetër perceprim dhe përfytyrim.
Revoltën kundër mjerimit dhe padrejtësisë shoqërore, si askush tjetër më parë, ai e ktheu në kredon e vet, duke u bërë pararendës edhe për poetët që erdhën më pas, edhe për Dritëronë vetë.
Mjafton vetëm ky fakt, që sot në datën e lindjes medoemos, por edhe gjithmonë padyshim, nderimi për Migjenin të jetë nderim si për një shenjt.
Migjeni ishte dhe mbetet Shenjti i Madh i letërsisë shqipe.





Lajmet e fundit nga