LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e mjeshtrit të pikturës/ Politika, mesazhe ngushëllimi për Sali Shijakun

24 Shtator 2022, 11:50, Kulturë CNA
Ndarja nga jeta e mjeshtrit të pikturës/ Politika, mesazhe
Mjeshtri i pikturës Sali Shijaku

Politika ka dhënë mesazhe ngushëllimi për ndarjen nga jeta të mjeshtrit të pikturës Sali Shijaku, në moshën 89-vjeçare.

Kryetari i Partisë së Lirisë, Ilir Meta, ka bërë një shkrim të gjatë, ku flet për bisedat dhe takimet e ngrohta me piktorin e madh.

Me anë të një statusi në rrjetet sociale, Meta thotë se me talentin e jashtëzakonshëm ai shndërroi në art ngjarjet më epike të historisë, forcën shpirtërore dhe heroizmin e shqiptarit, vlerat e dashurisë për atdheun, kombin dhe lirinë, si dhe një larmi figurash njerëzore.

“Një humbje e madhe për të gjithë ndarja nga jeta e Nderit të Kombit, artistit të mirënjohur, Sali Shijaku, një nga piktorët më të shquar dhe të rëndësishëm shqiptarë të shekullit XX.
Takimet dhe bisedat e ngrohta me të do të mbeten për mua të paharruara, siç do të mbetet galeria e pafund e veprave dhe e monumenteve të tij artistike, që lartësuan kulturën dhe artin kombëtar.
Sali Shijaku ishte piktori i njërit prej Heronjve të mi më të dashur, Vojo Kushit.

Kishte qenë vetëm 9 vjeç kur ishte zgjuar në mesnatë nga krismat e armëve dhe bombave. Kishte përjetuar edhe si dëshmitar okular një nga ngjarjet më heroike të Luftës Antifashiste, Epopenë e lavdishme të Kodrës së Kuqe. Nga ajo ditë e 7 tetorit 1942 ai jetonte me atë ngjarje dhe ëndërronte ta përjetësonte Heroin e tij Vojo Kushi.
Por kur gjithçka kishte përfunduar censura ia bllokoi pikturën sepse Vojo mbi tank ishte këmbëzbathur dhe pa këpucë. Ndaj i kërkuan artistit t’i “vishte” këpucë Heroit. Por kjo i përmbyste të gjithë veprën Mjeshtrit. Ndaj përsëri ua dërgoi pa ndryshime. “Po këpucët ku i ka?”, e pyetën. “Po a nuk ka thënë Partia që Luftën e bënë këmbëzbathurit”, – u përgjigj me dinakëri artisti. “Ke të drejtë, i thanë, aprovohet”.

Ndarja nga jeta e mjeshtrit të pikturës/ Politika, mesazhe

Kështu mbijetoi tabloja e famshme “Vojo Kushi”, e piktorit tonë të madh, Piktorit të Popullit, Sali Shijaku, për t’u mbetur trashëgim brezave si një kryevepër e realizuar me mjeshtëri të rrallë që mishëron në art një ngjarje të paharruar të Luftës Antifashiste.
Me talentin e jashtëzakonshëm ai shndërroi në art ngjarjet më epike të historisë, forcën shpirtërore dhe heroizmin e shqiptarit, vlerat e dashurisë për Atdheun, Kombin dhe Lirinë, si dhe një larmi figurash njerëzore.
Ai krijoi një pafundësi veprash e monumentesh artistike madhështore, siç është edhe një tjetër kryevepër e tij, Heroi i Lirisë Kombëtare, Mic Sokoli.
Për të gjitha këto vlera dhe kontribute të jashtëzakonshme, kujtimi i Nderit të Kombit, Sali Shijaku do të mbetet i paharruar dhe trashëgima e tij artistike gjithmonë e vlerësuar maksimalisht.
Ngushëllimet më të ndjera familjes së dashur Shijaku, bashkëpunëtorëve ndër vite dhe të gjithë komunitetit të artistëve për këtë humbje të pazëvendësueshme!
Të prehet në paqen e merituar!”, shkruan kreu i PL-së.

Ndarja nga jeta e mjeshtrit të pikturës/ Politika, mesazhe

Një reagim për humbjen e artistit ka bërë edhe kryebashkiaku i Tiranës Erion Veliaj, i cili e quan Shijakun një mik të përhershëm.

“Fort i trishtuar për ikjen e një artisti unik, si Sali Shijaku. Ai ishte ikonë e Tiranës, një piktor i jashtëzakonshëm, që ia kushtoi jetën artit shqiptar. Prehu në paqe miku i përjetshëm i qytetit tonë! Ngushëllime familjes”, shprehet Veliaj.

Ndarja nga jeta e mjeshtrit të pikturës/ Politika, mesazhe

Edhe ish-kreu i Partisë Demokratike, Lulzim Basha, ka dhënë një mesazh ngushëllimi në rrjetet sociale për familjarët e të afërmit e piktorit.

“Me trishtim mora lajmin e ndarjes nga jeta të piktorit dhe artistit të madh Sali Shijaku. Ai i la trashëgim kulturës tonë një arkivë të pashoqe ngjyrash dhe jete në telajo. Ikja e tij nga kjo jetë lë pas një zbrazëti për familjen, miqtë dhe admiruesit e artit të tij elegant.

Ngushëllime të sinqerta për familjen, miqtë dhe të gjithë komunitetin e artistëve për këtë humbje të madhe!”, shkruan Basha.

Ndarja nga jeta e mjeshtrit të pikturës/ Politika, mesazhe

Gjithashtu, një tjetër reagim ka ardhur edhe nga deputeti i PS-së, Erion Braçe, i cili deklaron se Shijaku ishte ylli më shndritës i pikturës shqiptare.

"Ylli më shndritës i pikturës shqiptare - Sali Shijaku, u shua sot!

Piktori që vizatoi Vojo Kushin të gjallë, nisur nga një foto me plumb në ballë, ka një jetë ngjyrash që i ndau me ne për 89 vite me rradhë, edhe në Divjakë.

Shijen e të bukurës që të flet e kemi prej mjeshtrit dhe pikturës së tij!

Pikturo botën tënde e tonën dhe atje tej mjeshtër; do i rizgjosh të gjithë!”, thekson Braçe./ B.A. - CNA.al

Lajmet e fundit nga