LEXO PA REKLAMA!

SHKARKO APP

App Store
Google Play

“Drejtësia në vendin tonë si një anije pa busull”/ Gjokutaj: Beleri u arrestua politikisht

3 Nëntor 2023, 18:02, Aktualitet CNA

“Drejtësia në vendin tonë si një anije pa

Avokati Genc Gjokutaj thotë se drejtësia sot është një anije pa busull. Sipas tij ky institucion është kapur nga policia dhe maxhoranca.

“Nga sistemi i dyfishtë ne kemi avancuar në sistemin trefishtë, apo i katërfishtë. Drejtësia sot është një anije pa busull pikërisht për shkak të kapjes nga policia dhe maxhoranca. Këto që thotë gazeta Kathimerini i thonë të gjitha gazetat evropiane. Kjo është ajo që shqetëson dhe jo plazhet shqiptare që kanë mahnitur botën. Përpos propagandës shtetërorë nuk hapnim dot televizorin gjithë beharin sepse ne shihnim atë që po të nxirrnim kokën në dritare nuk i shihnim.", tha avokati. 

Sa i përket arrestimit të kandidatit që fitoi zgjedhjet në bashkinë Himarë ai tha se është një moment ku fillon skrupulli.

“Afatet janë të tilla  që çështjet duhet të hetohen me prioritet. Nuk duhet humbur kohë, duhet punuar çdo ditë pune që çështja të zbardhet. Por çfarë ka ndodhur në të vërtetë? Arrestohet politikisht kryetari i Bashkisë së Himarës dhe pikërisht po aty një resort apo një tokë e marrë nga një oligark i lidhur me politikën, aty fillon moskuptimi.”, u shpreh Gjokutaj.

Për avokatin Gjokutaj, Beleri nuk paraqet asnjë rrezikshmëri shoqërore.

“Beleri nuk paraqet asnjë rrezikshmëri shoqërore. Është i mandatar nga populli. Ai duhet të kishte bërë procedurën e betimit që ai të formësonte stafit drejtues të bashkisë dhe sigurisht ai mund të qëndronte indiferent  deri në periudhën që ai do të sqaronte problemet me drejtësinë. Dashakeqët duan ta personalizojnë procedurën dhe thonë Beleri ka bërë këtë, Beleri ka bërëv atë. Në fakt këtu nuk flitet për personin, Alfred Belerin, këtu flitet për një mandat popullor për mandatin e zgjedhësve që kjo mazhorancë e përdor për letër higjenike. Fredi Belerin e nxjerr nga burgu, e shpije në betim mandati i popullit, jo qejfi i kësaj qeverie, oreksi politik i saj.”, tha ai./ CNA

Lajmet e fundit nga