web counter
LEXO PA REKLAMA!

SHKARKO APP

App Store
Google Play

E fundit!

x

Dardha dhe Voskopoja, të mbuluara nga dëbora/ Situata në juglindje të vendit

26 Nëntor 2023, 08:41, Aktualitet CNA
Dardha dhe Voskopoja, të mbuluara nga dëbora/ Situata në
Foto, Dardhë

Një ditë më parë vendi u përfshi nga reshje shiu në zonat bregdetare dhe bora në zonat malore.

Situata e reshjeve të borës në juglindje nuk ka krijuar problematika sa i përket qarkullimit. Të gjitha akset nacionale janë të hapura dhe nuk ka bllokim të rrugëve. Trashësia e dëborës në fshatin e Dardhës dhe Voskopojës ka arritur deri në 7 cm, ndërsa borëpastrueset kanë bërë të mundur hapjen e rrugës drejt këtyre fshatrave gjatë natës.

Turistë të shumtë mësohet se janë nisur kryesisht nga Tirana drejt Korçës, pasi qarkullimi ka qenë pak i rënduar pasditen e djeshme, e kjo për shkak se vizitorët pëlqejnë juglindjen me borë. Dardha e Voskopoja janë dy fshatrat turistike që vizitohen nga turistët, dhe preferohen jo vetëm për natyrën dhe asetet që ofrojnë, por edhe për gatimet tradicionale në stinën e dimrit, me në krye lakrorin me dy peta.

Edhe qyteti i Korçës u zbardh për disa minuta nga bora, por me një intensitet të ulët të reshjeve. Reshjet e borës nuk janë më prezente këtë mëngjes në juglindje, ndonëse temperaturat janë të ulëta.

Sa u përket problematikave të krijuara mund të përmendim: Fshati i Çlirimit në Kolonjë është pa energji elektrike prej një ore; Në Dardhë nuk lejohen mikrobuset; Dushar e Zerec ka dalë përroi dhe ka rënie shkëmbinjsh. Në Mashkullorë bora ka arritur 25 cm dhe po punohet për hapjen e rrugëve. Në Dardhas, Proptisht e Velçan rruga është e kalueshme vetëm me zinxhirë.

Çërrava dhe Dardhasi në Pogradec kanë pasur probleme me energjinë elektrike./ CNA





Lajmet e fundit nga