LEXO PA REKLAMA!

SHKARKO APP

Përkeqësohet situata në Kukës, Shkodër dhe Dibër/ Balla: U ndihmuan  21 drejtues automjetesh të bllokuar

25 Nëntor 2023, 17:34, Aktualitet CNA
Përkeqësohet situata në Kukës, Shkodër dhe Dibër/
Dëbora ka krijuar probleme në qarkullim

Në qarkun Kukës, Shkodër dhe Dibër është përkeqësuar situata si pasojë e motit të keq.  Të gjitha akset paraqesin probleme në lëvizje.  Në Kukës-Bicaj-Bushtric raportohet se mungon borëpastruesja, teksa thuhet se bora arrin 25 cm në rrugë.

Banorët pohojnë se vetëm në mëngjes ka lëvizur borëpastruesja.

Lidhur me situatën në qarqet Kukës, Shkodër dhe Dibër ka reaguar dhe Ministri i Brendshëm Taulant Balla.

Ai bën me dijë se, ka vështirësi në qarkullimin e automjeteve në disa akse rrugore në qarqet Kukës, Shkodër dhe Dibër.

Sipas tij shërbimet e Policisë Rrugore dhe të Patrullave të Përgjithshme kanë dhënë ndihmë në 21 raste ndaj drejtuesve të automjeteve të bllokuar.

“MOTI I KEQ me reshje të dendura dëbore ka sjellë si pasojë vështirësi në qarkullimin e automjeteve në disa akse rrugore në qarqet Kukës, Shkodër dhe Dibër. Shërbimet e Policisë Rrugore dhe të Patrullave të Përgjithshme kanë dhënë ndihmë në 21 raste ndaj drejtuesve të automjeteve të bllokuar. Policia e Shtetit apelon për vendosjen e zinxhirëve dhe për zbatim të udhëzimeve të dhëna në njoftimet publike, për rrugët e bllokuara apo ato që paraqesin vështirësi. Për çdo informacion apo nevojë për ndihmë, telefononi në numrin pa pagesë 112.

Respektoni sinjalistikën rrugore

Ruani distancën e sigurisë me mjetet e tjera

Ndiqni udhëzimet e Policisë së Shtetit”, shkruan Balla në rrjetet sociale./ CNA

Lajmet e fundit nga