LEXO PA REKLAMA!

SHKARKO APP

Automjeti me targa sllovene vëzhgoi lëvizjet e fundit të Brilant Martinaj/ E dhëna që mund të hedhë dritë për ngjarjen

25 Nëntor 2023, 19:10, Aktualitet CNA
Automjeti me targa sllovene vëzhgoi lëvizjet e fundit të Brilant
Brilant Martinaj

Të dhëna të reja që mund të hedhin dritë mbi një ndër ngjarjet më të rënda në vend janë zbuluar.

Një automjet me targa sllovene vëzhgoi lëvizjet e fundit të Brilant Martinaj dhe dy miqve të tij të cilët u ekzekutuar tek mbikalimi i Fushë Krujën verën e kaluar.

Ky automjet është zbuluar se ishte dërguar për t’u çmontuar për pjesë këmbimi në një servis në Kosovë. Kjo është përgjigja që autoritetet e drejtësisë sllovene u sollën hetuesve shqiptarë.

Prokuroria e Tiranës pas kësaj të dhëne të re ka kërkuar informacion shtesë nga Sllovenia, ndërsa përmes një letër-porosie të dytë kërkon informacion nga Kosova në lidhje me servisin e makinave ku do të bëhej çmontimi i automjetit në fjalë.

Në rast se arrihet të zbulohet se kush e çmontoi mjetin dhe kush ishin personat që e çuan aty mund të hidhet dritë mbi ngjarjen macabre në Fushë-Krujë.

Brilant Martinaj dhe dy miqtë e tij Besmir Hoxha e Dikler Vata u qëlluan për vdekje mesditën e 17 korrikut 2022 të mbikalimi i Fushës Krujës.
Pas atentatit mafioz në Fushë Krujë, familja Martinaj denoncoi zhdukjen pa gjurmë të Ervis Martinaj, i cili ishte në kërkim ndërkombëtar pas dëshmisë së të penduarit të drejtësisë, Nuredin Dumani, fati i të cilit edhe sot vijon të mbetet mister./ CNA

Lajmet e fundit nga