web counter
LEXO PA REKLAMA!

SHKARKO APP

App Store
Google Play

E fundit!

x

Misteri “Martinaj”, ende i pazbardhur/ Paralajmërimi i ministrit të Brendshëm

2 Nëntor 2023, 22:43, Kronika CNA
Misteri “Martinaj”, ende i pazbardhur/ Paralajmërimi i
I shumëkërkuari Ervis Martinaj

Që prej gushtit të vitit 2022, “bosi” i lojërave të fatit dhe i shumëkërkuari nga drejtësia, Ervis Martinaj u shpall i zhdukur dhe që prej asaj kohe fati i tij ka mbetur enigmë.

Për zhdukjen e Martinajt është pyetur mbrëmjen e sotme ministri i Brendshëm, Taulant Balla në një intervistë televizive.

Balla nuk dha informacione në lidhje me të shumëkërkuarin, por deklaroi se zbardhja e zhdukjes së tij është një çështje që po trajtohet me prioritet.

Ai theksoi se shumë shpejt do të ketë rezultate konkrete në lidhje me çështjen e Ervis Martinajt.

“Unë e kam informacionin që ka deri më tani Policia e Shtetit, dhe sa herë ulemi me Drejtorin e Përgjithshëm për çështjet që ne kemi si çështje, që kanë të bëjnë me prioritetet kryesore të punës së policisë për personat në kërkim, ngjarje të rënda kriminale apo zbulimin e autorëve, edhe kjo ngjarje kriminale, është në grupin e çështjeve prioritare, por do kërkoja mirëkuptimin tuaj për të mos dëmtuar hetime, dhe një punë intenstive, që zhvillohet edhe në këtë moment që flasim për këtë çështje, mos ta komentoj dhe iu jap fjalën që do të vij përsëri në emisionin tuaj me rezultate konkrete shumë shpejt. Sot nuk mund t’iu them një përgjigje për këtë çështje”, nënvizoi ministri i Brendshëm./ CNA





Lajmet e fundit nga