LEXO PA REKLAMA!

SHKARKO APP

Evakuohen 50 pasagjerë të bllokuar në Qafë Murrizë/ Po punohet që të fillojë lëvizja e mjeteve

25 Nëntor 2023, 21:57, Aktualitet CNA

Evakuohen 50 pasagjerë të bllokuar në Qafë Murrizë/ Po

Policia ka evakuar në  Qafë Murrizë të gjithë pasagjerët që ndodheshin në automjetet e bllokuara për shkak të reshjeve të dendura të dëborës.

Shërbimet e Policisë Rrugore dhe të Patrullave të Përgjithshme, nëpërmjet automjeteve të kalueshmërisë së lartë, bënë të mundur evakuimin e 50 pasagjerëve që ndodheshin në automjete në bypass Qafë Murrizë, duke i nxjerrë nga zona ku kishin mbetur të bllokuar dhe po i transportojnë në destinacionet e tyre, në Klos, Bulqizë dhe në Peshkopi.

Evakuohen 50 pasagjerë të bllokuar në Qafë Murrizë/ Po

Ndërkohë, borëpastrueset po punojnë për pastrimin e rrugës, për të bërë të mundur që dhe automjetet të vijojnë lëvizjen.  Drejtuesit e automjeteve kanë qëndruar në makina pasi po punohet intensivisht që për pak minuta të fillojë lëvizja e automjeteve.

Shërbimet e Policisë, pavarësisht kushteve të vështira të motit, ndodhen në krye të detyrës, për t'iu dhënë ndihmë të gjithë përdoruesve të rrugës, në rast nevoje, dhe apelojnë edhe një herë për shmangie të qarkullimit në rrugën e Arbrit./ CNA

Lajmet e fundit nga