web counter
LEXO PA REKLAMA!

SHKARKO APP

App Store
Google Play

Blofi i "Top Channel", Kryemadhi u “financua” nëpërmjet bankës së falimentuar

4 Prill 2023, 15:36, Aktualitet CNA

 

Blofi i "Top Channel", Kryemadhi u “financua”

Pak ditë më parë, televizoni “Top Channel” publikoi disa dokumente, të cilat akuzonin deputeten Monika Kryemadhi se financohet nga biznesmenë rusë.

“Faktet e zbuluara tregojnë se në vitin 2017 Kryemadhi ka kryer dhe marrë këto pagesa të dyshimta nga llogaritë bankare 'offshore' të kompanive të kontrolluara nga biznesmenë rusë nafte”, thuhej ndër të tjera në shkrimin e publikuar nga "Top Channel", teksa u publikua një faturë-pagesë. 

Pas publikimit të lajmit, drejtuesit e kësaj media u shprehen se dokumentet mbërritën në redaksinë e “Top Channel” nga burime anonime dhe nuk mund t’i verifikonin. 

Por si qëndron e vërteta?

Nga një kërkim i shpejtë në "Google", na rezulton se banka “Banco Espirito Santo S.A”, nëpërmjet së cilës akuzohet Kryemadhi se ka marrë pagesa nga biznesmenët rusë, ka qenë aktive në treg deri në vitin 2014. Më pas kjo bankë falimentoi dhe një pjesë e drejtuesve janë ende nën hetim.

“Banko Espirito Santo”, e quajtur ndryshe BES, u nda në "bankë të mirë", të riemërtuar Novo Banco, dhe "bankë të keqe", “Espirito Santo”, pasi pati një humbje prej disa miliona eurosh.

Falimentimi i bankës është një detaj që ngre dyshime për lajmin e publikuar, i cili bazohej në faturën për transfertën e vitit 2017.

Ky artikull nuk është për të mbrojtur Monika Kryemadhin, por për të treguar se publikimi i faturave nga “Top Channel” nga një burim anonim nuk është aspak profesional dhe verifikimi i tyre nuk ishte i pamundur.

 

 

 

 

 





Lajmet e fundit nga