“5D” është grupi i strukturuar kriminal dhe blerësi i votave të zgjedhjeve të 2023-shit

24 Shtator 2024, 09:45, Aktualitet CNA

“5D” është grupi i strukturuar kriminal dhe blerësi i

Fotomontazh - Mariglen Qato, Erion Veliaj, Redi Molla dhe Taulant Tusha

Në GJKKO dje u mësua se prokurori i SPAK-ut, Klodian Braho, kishte shtuar edhe një akuzë ndaj dy eksponentëve të Bashkisë së Tiranës, Mariglen Qato dhe Redi Molla.

Pas akuzës së shpërdorimit të detyrës, ishte shtuar edhe ajo e pastrimit të parave. (Lexo këtu)

Në fakt, janë shumë pak këto akuza për këto dy personazhe politike dhe publike.

Dosja “5D” duhet të trajtohet nga Klodian Braho si grup i strukturuar kriminal. Ligji e thotë qartë, çfarë është grup i strukturuar kriminal? Quhen 3 deri në 5 veta, që kanë ekonomistin, financierin, paratë, burimin e tyre, etj. (Lexo këtu)

Prokurori Klodian Braho

Gjithçka është e qartë, a janë më shumë se 5 veta? A kanë ekonomist? A kanë përfaqësuesin e tyre? A kanë marrë para publike? A kanë fituar tenderë duke qenë vetë drejtues apo me kolegët e tyre?

Ky është fakt, prandaj përtej akuzave për shpërdorim detyre, apo mosdeklarim dhe pastrim parash, grup i strukturuar kriminal është themeli i asaj dosjeje. (Lexo këtu)

Dosja “5D” duhet të hetohet siç duhet dhe deri në fund, duhet të zbardhen mesazhet e komunikimet e plota, duhet të merret dosja e vitit 2023 kur u zhvilluan zgjedhjet e vitit 2023 në Tiranë. (Lexo këtu)

“5D” është grupi i strukturuar kriminal dhe blerësi i

Mariglen Qato, Redi Molla, Taulant Tusha e të tjerë drejtues të Bashkisë së Tiranës kanë qenë njerëzit që drejtonin njësitë e PS-së, kanë qenë thuajse kryetarët e degëve të PS-së në Tiranë, kanë qenë njerëzit që kanë mbuluar organizimin, qendrat e votimit, kanë mbuluar komisionerët me ushqim, me pagesa, vota, blerje. Denoncimet që janë bërë nga opozita nuk janë në ajër, por janë fakte. (Lexo këtu)

Këto fakte të atyre zgjedhjeve, për ato 60 mijë vota që ka fituar Erion Veliaj, kalojnë pikërisht nga Taulant Tusha, Mariglen Qato, Redi Molla dhe nga të tjerë drejtorë të Bashkisë së Tiranës, nga njerëz të strukturave të kësaj bashkie. Janë 11 mijë veta personel, që kanë qenë të gjithë si ushtarë në fushatë, por kuptohet njerëzit kryesorë që paguanin gjithçka ishin drejtorët e dosjes “5D”.

Prandaj dhe Klodian Braho, përtej dy apo 3 akuzave duhet ta dërgojë “5D”-në te grupi i strukturuar kriminal dhe të zbardhë me çdo kusht krimin elektoral.

Fotomontazh - Mariglen Qato, Taulant Tusha dhe Redi Molla

Kjo jo thjesht dhe vetëm për të ndëshkuar 3 apo 5 veta apo 20 veta për korrupsionin e abuzimin e tyre, por për të dhënë një leksion njëherë e mirë që zyrtarët të cilët ngrenë dorën mbi taksat e qytetarëve, i vjedhin ato, hapin kompani dhe më pas i marrin paratë e i përdorin për fushata, për të blerë vota apo për përfitime personale, duhet jo të mendohen, por të mos ekzistojnë. (Lexo këtu)

Kjo është dhe arsyeja se dosja “5D”, ashtu si ajo e inceneratorëve, është një grup i strukturuar kriminal, edhe pse kjo e fundit u shpall më vonë.

Përtej kësaj duhen zbardhur edhe të vërtetat e zgjedhjeve të vitit 2023 për ato 60 mijë vota që rrahën si gomari në duhan një kundërshtar politik, që në fakt nuk ka rëndësi nëse ishte i PD-së, i PS-së, e kishte emrin Belind Këlliçi apo Erion Veliaj, por ka të bëjë me krim elektoral nga një grup i strukturuar kriminal që kishte hapur kompani dhe vidhte taksat e shqiptarëve me lekët e vjedhura mbudhte kutitë me vota për Veliajn./ CNA