web counter
LEXO PA REKLAMA!

SHKARKO APP

App Store
Google Play

E fundit!

x

"Drejtorët e Veliajt, grup i strukturuar kriminal"/ Apeli i GJKKO-së rrëzon Shkallën e Parë

3 Korrik 2024, 18:46, Aktualitet CNA

Drejtorët e kryebashkiakut të Tiranës, Erion Veliaj, Taulant Tusha, Redi Molla dhe Mariglen Qato janë një grup i strukturuar kriminal.

Kështu janë konsideruar drejtorët e Veliajt nga Gjykata e Posaçme e Apelit.

Në vendimin e gjyqtarit Florian Kalaja, argumentohet se Apeli Antikorrupsion, nuk bie dakord me SPAK-un dhe Shkallën e Parë që i kanë ngarkuar drejtorëve veprën penale 'bashkëpunim i thjeshtë'.

“Lidhur me kualifikimin e veprës penale nga Prokuroria dhe nga Gjykata e Shkallës së Parë, të bashkëpunimit të thjeshtë si formë e bashkëpunimit që ka ekzistuar ndërmjet Redi Mollës dhe Mariglen Qatos, gjykata ndan qëndrim krejt tjetër dhe nuk mund të pajtohet në këto pjesë të kërkesave dhe vendimeve. Gjykata vlerëson se në rastin konkret ka dyshime të arsyeshme se bashkëpunimi ndërmjet subjekteve të proceduar penalisht dhe atyre eventualisht të paproceduar penalisht deri më tani, nuk ka qenë i thjeshtë por, duke kaluar kufijtë e këtij organizimi sporadik dhe episodik, ka qenë i mirëmenduar, i planifikuar, me një kohëzgjatje të qëndrueshme dhe i vijueshëm ndër vite, nën një mekanizëm pothuajse identik në çdo episode të kryerjes së veprave penale materiale të dyshuara dhe me një pluralitet subjektesh si bashkëpunëtorë, karakteristika këto të cilat të marra parasysh dhe të vlerësuara të gjitha së bashku, plotësojnë parashikimin/ përkufizimin e pikës 4 të nenit 28 të kodit penal”, thuhet në vendim.

Gjiithashtu, Apeli i GJKKO-së thekson se bashkëpunimi i Mollës, Qatos, Tushes dhe zyrtarëve të tjerë nën hetim është kryer në formën e grupit të strukturuar kriminal.  

“Gjykata ndan pikëpamje të ndryshme nga SPAK dhe Shkalla e Parë lidhur me kualifikimin juridik të faktit penal të bashkëpunimit i cili i kundrejtohet Redi Mollës dhe Mariglen Qatos, duke e kualifikuar sakaq bashkëpunimin e tyre, me personat e tjerë të proceduar apo jo eventualisht përgjegjës, persona fizikë apo persona juridikë, si bashkëpunim penal i posaçëm, dhe i kryer në formën e grupit të strukturuar kriminal. Nën këtë logjikë, Gjykata vlerëson se edhe kualifikimi juridik i dyshimeve të arsyeshme të kundrejtuara ndaj Nestor Muhametllari, sipas nenit 244 të Kodit Penal, është i gabuar, pasi ai dyshohet arsyeshëm se është bashkëpunëtori-mëkëmbës dhe ndërmjetës i Redi Mollës dhe Mariglen Qatos në veprimtarinë e shoqërisë 5D konstruksion shpk”, theksohet më tej.

Kështu, Apeli i Posaçem ka konfirmuar atë që CNA ka raportuar. Drejtorët e Veliajt kanë bashkëpunuar si një grup i strukturuar kriminal dhe kanë vjedhur paratë e taksapaguesve të kryeqytetit me tenderat./ CNA





Lajmet e fundit nga