LEXO PA REKLAMA!

SHKARKO APP

E fundit!

x

Legalizimi i kanabisit mjekësor/ Çupi: Plan i vjetër i PS, Rama do të justifikojë paligjshmërinë me ligj

8 Prill 2022, 20:33, Aktualitet CNA
Legalizimi i kanabisit mjekësor/ Çupi: Plan i vjetër i PS, Rama

Deputetja demokrate Dhurata Çupi e ka konsideruar si një lajm të keq legalizim i kanabisit mjekësor.

Sipas saj ky është një plani i vjetër i Partisë Socialiste, që prej vitit 2014 dhe se Rama e përdori Këshillimin Kombëtar si një propagandë për të arritur qëllimin e tij.

Çupi u shpreh me tej se shpreson që deputetët socialistë ta votojnë kundër.

?Lajmi keq, një vendi vogël që mund të zhvillohej në një normalitet, me një ekonomi normale, me të ardhura normale. Është një lajm i keq, kur në kulmin e krizës ekonomike në kulmin e çmimeve të larta ushqehen nga kryeministri me një shpresë të kotë ose me një shpresë të pashpresë.

Kanabizimi i Shqipërisë është një projekt i vjetër i socialistëve, ka një deklaratë të një përfaqësues të socialistëve në vitin 2014, ka deklarata të kryeministrit në 2019-2020. Është dëshpëruese të themi që është një hile e përdorur nëpërmjet sondazheve për të justifikuar kryeministri atë që ka patur gjithmonë qëllimin e tij, Uroj të mos bëhet realitet, uroj që deputetët socialistë t?i qëndrojnë fort kundër?, tha Çupi ne nje dalje televizive.

Sipas Çupit, Rama ende nuk ka dhënë asnjë argument sesa kanabis do të prodhohet, sa firma do të licencohen dhe sa do përfitojë buxheti i shtetit. Çupi sjell shembullin e Maqedonisë së Veriut ku thotë se legalizimi i kanabisit mjekësor ka dështuar.

?Maqedonia kur qeveria e ka mbrojtur një nga argumentet ka qenë që me shoqëritë  e licencuar buxheti i shtetit do fitojë 100 mln euro në vit. Të gjitha janë në prag falimenti, kërkojnë ndryshimin e ligjit. Nuk kemi argument sa do prodhohet, sa firma do licencohen, sa do përfitojë buxheti i shtetit, ne nuk kemi firma farmaceutike nuk ndikojmë fare jemi nëj vend i vogël. Sikur e gjithë Shqipëria të kanabizohet nuk ndikon dot në rritjen ekonomike. Paligjshmërinë do ta justifikojë me ligj?, u shpreh Çupi./CNA.al

Lajmet e fundit nga