LEXO PA REKLAMA!

SHKARKO APP

E fundit!

x

FOTO-Mbërrin kroçera e parë në Portin e Sarandës

8 Prill 2022, 12:16, Aktualitet CNA
FOTO-Mbërrin kroçera e parë në Portin e Sarandës

Ministrja e Turizmit dhe Mjedisit, Mirela Kumbaro njoftoi mbërritjen e kroçerës së parë për këtë vit, në brigjet e Sarandës si një ogur i mirë për një sezon turistik të mbarë dhe premtues.

Kroçera Silver Moon, më e madhja që ka vizituar Sarandën për këtë vit, me 387 turistë në bord, operon kryesisht në Europë dhe frekuenton portet e Mesdheut. Turistët në bordin e kësaj kroçere, të kombësive të ndryshme të Europës nga Anglia, Franca, Italia, Spanja, Gjermania dhe Holanda do të vizitojnë gjithë sitet turistike të Sarandës, Himarë dhe Gjirokastrës.

Silver Moon do të vizitojë përsëri gjatë verës Sarandën, e cila pritet të ketë një sezon të mbarë turistik sipas të dhënave që vijnë edhe nga turoperatorët.

Drejtoria e Portit në bashkëpunim me bashkitë Sarandë e Delvinë, subjekte të tjera e biznese, kanë organizuar një pritje për turistët duke ju ofruar njohjen me kulturën dhe folklorin e zonës dhe Sarandës.

Këtë vit, kanë nisur më herët përgatitjet për ndarjen e stacioneve të plazhit, duke bërë të mundur që sezoni të nisë më 1 maj.

Saranda është po ashtu një prej bashkive që do të përfitojë mbështetje nga Agjencia Kombëtare e Bregdetit përmes dyfishimit të kapaciteteve të pastrimit të vijës bregdetare gjatë tre muajve kulminantë të sezonit turistik veror./ CNA.al

Lajmet e fundit nga