web counter
LEXO PA REKLAMA!

SHKARKO APP

App Store
Google Play

E fundit!

x

Anija me flamurin rus në Porto Romano/ MIE sqaron qytetarët

15 Mars 2022, 13:20, Aktualitet CNA

Ministria e Energjitikës dhe Infratrukturës, ka reaguar në lidhje me një lajm, sipas të cilit një anije me flamur rus që po përpunohet në Porto Romano.

Në një njoftim për mediat, MIE sqaron se anija në fjalë rezulton e marrë me qira (chartered) nga një kompani nga Britania e Madhe në datën 27.02.2022.

?Lidhur me lajmin e publikuar sot në media për një anije me flamur rus që po përpunohet në Porto Romano,  Ministria e Infrastrukturës dhe Energjisë sqaron se:

Anija për transportin e  mallrave të përgjithshme, me emrin ?Neptun? me IMO 9358010 me flamur rus, por e marrë me qira (chartered) nga një kompani nga Britania e Madhe në datën 27.02.2022 është futur në ujërat e Republikës së Shqipërisë dhe ka qëndruar në radën e Portit të Durrësit.?-thuhet në njoftim.

Më tej, MIE sqaron se ?Nga verifikimi i dokumentacionit të anijes, nga ana kapitenerisë së Portit Durrës, ka rezultuar se mjeti lundrues ka pasur mungesa në dokumentacion dhe konkretisht:

Certifikatën e sigurimit për përgjegjësinë ndaj ndotjes së detit BLU CARD në zbatim të konventës CLC (Civil Liability Convention) dhe

Certifikatën e sigurimit në rast mbytjes në zbatim të konventës Wreck Removal.

Për këtë arsye është urdhëruar të dalë jashtë ujërave territoriale të Republikës së Shqipërisë.

Pasi mjeti lundrues ka plotësuar mungesat në dokumentacion dhe pasi është kryer verifikimi me listën e personave të ndaluar nga BE, për sanksionet e sjellë nga Ministria e Jashtme, mjeti lundrues i mësipërm në datën 13.03.2022 është lejuar të shkarkojë pajisjet e shpimit për kompaninë SHELL në Portin MBM në Porto Romano.?/CNA.al





Lajmet e fundit nga