LEXO PA REKLAMA!

SHKARKO APP

Mikel Grabocka, inxhinier i sigurisë kibernetike dhe menaxher i sigurisë së informacionit në Zyrih

8 Mars 2022, 20:32, Kulturë CNA
Mikel Grabocka, inxhinier i sigurisë kibernetike dhe menaxher i

Lindur dhe rritur në Korçë, Mikel Grabocka ka qenë nxënës dhe student ekselent, i dalluar për njohuritë e thella në shkencat ekzakte. Pas përfundimit të studimeve pranë kolegjit “Preka”, një prej gjimnazeve më të mirë në Shqipëri, Mikel Grabocka u transferua në Itali për të vazhduar studimet.

Studimet e nivelit Bachelor për inxhinieri dhe shkenca kompjuterike i kreu pranë Universitetit të Bolzanos, i klasifikuar në 2017 si një nga dhjetë universitetet e vogla më të mira në botë. Rezultatet e larta e arritura që në vitin e pare, i dhanë mundësinë që të ishte asistent i pedagogëve për dy nga lëndët më të rëndësishme të bachelor, “Struktura e të dhënave dhe Algoritmat” dhe “Algjebër lineare dhe Analizë”. Gjatë studimeve, ai u zgjodh si përfaqësues i studentëve në këshillin e fakultetit të informatikës. Përfundoi studimet me rezultatet maksimale duke marrë vlerësimin “Cum Laude”.

Pas mbarimit të studimeve bachelor, Mikel Grabocka u zhvendos në Zyrih për të vazhduar studimet master duke u specializuar në siguri kibernetike. Këto studime i kreu pranë politeknikut të Zyrihut (ETH Zürich), i klasifikuar çdo vit si një nga universitet më të mira në Europë dhe në botë, në klasifikimet e përgjithshme dhe ato të informatikës në veçanti. Gjate studimeve master, kreu dy projekte kërkimore shkencore. I pari, i lidhur me sigurinë e sistemeve të pagesave online, i kryer pranë grupit të sigurisë së sistemeve në ETH Zyrih. I dyti, i fokusuar në rritjen e sigurisë dhe qëndrueshmërisë së protokolleve të konsensusit të cilat përdoren në teknologjinë Blockchain.

Ndërkohë që punonte për projektin shkencor të temës së diplomës, Mikel Grabocka mori pjesë në Cyber Challenge 9/12. Në këtë event, skuadra nga e gjithë bota garojnë për tu dhënë zgjidhje krizave kombëtare dhe ndërkombëtare të shkaktuara si pasojë e një sulmi kibernetikë mbi infrastrukturë kritike (për shembull, spitale, sisteme elektrike, centrale bërthamore etj.) Si një nga përfaqësueset e ETH Zyrih në këtë kompeticion, skuadra “Idonea” nën drejtimin e Mikel Grabockës, mundi të arrijë në finalen e kompeticionit dhe të renditet në vendin e tretë.

Pas përfundimit të studimeve të nivelit master, ai filloi pune në rolin e inxhinierit të sigurisë pranë “Futurae AG”. Kjo kompani, si një startup i lindur nga grupi i sigurisë së sistemeve pranë ETH Zyrih, është e specializuar në sigurinë kibernetike dhe bashkëpunon kryesisht me institucione financiare si bankat, duke siguruar sistemet e aksesueshme nga klientët e tyre. Brenda pak muajsh, roli i tij do të zgjerohej duke u promovuar si menaxher i sigurisë së informacionit të “Futurae AG”.

Me këto arritje, Mikeli tregon modelin e qytetarit të integruar në shtetin ku jeton dhe shembull i njeriut të punës e dijes. Mban lidhje të ngushta me Shqipërinë dhe përfaqëson vlerat më të mira të punës, edukimit profesional, korrektësisë dhe angazhimit shoqëror. Ai tashmë ka kontakte të ngushta edhe me Ambasadën e RSH-së në Bernë.

Lajmet e fundit nga