E fundit!

08:29 Politikë

Rama jep llogari për “Mcgonigal”/ Seanca parlamentare mes debateve dhe deputetëve të përjashtuar

Seanca e sotme plenare do të sjellë përballjen e kryeminis...

Agron Hoti, piktori që “mbërtheu” botën me artin e tij/ Mesazhi frymëzues për artistët e rinj shqiptarë

15 Shkurt 2022, 16:43, Kulturë CNA

Agron Hoti, piktori që “mbërtheu” botën me artin e

Agron Hoti është piktori që magjeps botën me artin e tij. Hoti e nisi karrierën e tij artistike në një moshë shumë të re, pasi vetëm 14 vjeç, piktori krijoi ekspozitën e tij të parë, me të cilën fitoi dy çmime.

Për shkak të vështirësive dhe regjimit, piktori Agron Hoti, ashtu si shumë shqiptarë, emigroi jashtë Shqipërisë, në Itali, ku u vendos në Verona.

Prej më shumë se 20 vitesh, Hoti jeton dhe krijon veprat e artit në studion e tij në Verona.

Pikturat e tij janë shpërndarë tashmë në të gjithë botën, në Neë York, Torino, Milano, Venecia, Paris dhe shumë vende të tjera.

Pas veprave dhe artit të tij magjepsës janë mahnitur dhe shumë yje të futbollit, ndër ta, futbollisti Cristiano Ronaldo.

Në një intervistë për CNA.al, piktori me famë ndërkombëtare, ka ndarë disa prej përjetimeve dhe planeve që ka për të ardhmne, ku ka dhënë dhe një mesazh shumë frymëzues për të rinjtë në Shqipëri.

Intervista e plotë

Prej më shumë se 20 vitesh ju jetoni dhe krijoni veprat tuaja në Verona, ku dhe keni studion tuaj. Në një nga intervistat jeni shprehur se keni në plan të realizoni një pikturë me përmasa tejet gjigante, mund të zbuloni ndonjë detaj rreth projektit?

Jemi në përfundim të burokracive. Unë do të realizoj një pikturë 8 mijë metra katrorë, në stadiumin e Riadit, ku do të jenë prezentë yjet e futbollit botëror.

Yjet e futbollit si Cristiano Ronaldo, si Francesco Totti, Luis Figo, Luca Tonii posedojnë një pikturë tuajën. Si ishte takimi me ta?

Ronaldo më ka blerë një pikturë, ndërsa në pritje të tablosë është edhe Ibrahimoviç. Unë jam tifoz me Milanin dhe ai po e pret me padurim realizimin. Piktura është një përmbledhje e 5 Champions që ka fituar Ronaldo, janë të gjitha brenda. Ishte emocionuese. Ai e bleu pikturën në momentin kur Juventusi erdhi të luante ndaj Veronës, por ishin rregullat e rrepta për shkak të pandemisë në atë kohë dhe nuk munda të afrohesha më shumë se 3 metra.

Për cilin nga yjet e futbollit do të jetë surpriza e radhës?

Po realizoj një pikturë tjetër për futbollistin e Milanit, Zlatan Ibrahimoviç. Ibrahimoviç është idhulli im. Unë jam milanist.

Së fundi, a keni një mesazh për të gjithë artistët e rinj që kanë pasion artin dhe në veçanti pikturën?

Mesazhi im për artistët e rinj është që është rruga më e vështirë për ecur në jetë por edhe më e bukur, kërkon një përkushtim të jashtëzakonshëm dhe një besim të fortë në vetvete./A.E-CNA.al