E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

25 markat më të vlerësuara në botë për vitin 2022/ Ja kush e mban “fronin”

26 Janar 2022, 19:07, Ekonomi CNA

Sapo është publikuar lista me 25 markat më të vlerësuara në botë, në të cilën përshihen 9 brande amerikane, 11 brande kineze, dy gjermane, një britanike, një koreane dhe një japoneze.

Brandi më i vlerësuar ka rezultuar Apple. Apple mban vendin e parë si një nga markat me vlerësimin rekord. Kompania ka patur një rritje me 35%, me vlerën që arrin deri në 355.1 miliardë dollar, e cila është vlera më e lartë e regjistruar ndonjëherë.

Pas Apple, Amazon dhe Google janë në nivele të larta dhe në rritje, duke u renditur përkatësisht Amazon në vendin e dytë dhe Google në vendin e tretë si markat më të vlerësuara në botë.

Amazon është rritur me 38 %, dhe kap vlerën e 350.3 miliardë. Amazon ndiqet nga Google, e cila ka patur një rritje me 38% dhe kap vlerën e 263.4 miliardë dollarë.

Pas tyre vjen Microsoft dhe Walmart. Microsoft ka një rritje me 31% dhe kap vlerën e 184.2 miliardë dollarë, ndërsa Walmart ka një rritje me 20 % dhe kap vlerën e 111.9 miliardë dollarë.

Samsung renditet në vendin e gjashtë me një rritje 6% dhe vlerë prej 107.3 miliardë.

Pas tij vjen Facebook me një rritje 24 % dhe kap vlerën e 101.2 miliardë dollarë.

Më pas vijnë dy brande kineze, ICBC me një rritje prej 3% dhe me vlerë 75.1 miliaardë dollarë, dhe ndiqet nga Huawei, me 25% rritje dhe me vlerë 71.2 miliardë dollarë.

E 10 renditet një brand amerikan Verizon, me një rritje 1% dhe vlerë 69.6 miliardë dollarë.

Në vendin e 11 renditet China Construction bank me një rritje 10 % dhe kap vlerën e 65.5 miliardë dollarësh. Ne vëndin e 12, është marka e makinave Toyota që ka një rritje me 8% dhe kap vlerën e 64.3 miliardë dollarë.

Në këtë listë përfshihen edhe dy marka gjermane, Mercedes-Benz dhe Deutsche Telekom shkojnë ballë për ballë për vlerën më të lartë të markës. Me një vlerë prej 60.8 miliardë dollarësh, Mercedes-Benz është sërish marka më e vlefshme në Evropë, e ndjekur nga afër nga Deutsche Telekom, me 60.2 miliardë dollarë.

Gjithashtu edhe Tik Tok, brandi kinez, ka një rritje me 215% dhe kap vlerën e 59 miliardë dollarësh./ CNA.al