Asnjë kryeministër mos qëndrojë më shumë se dy mandate/ Po Luli pse duhet të qëndrojë tre në opozitë?

25 Janar 2022, 17:58, Politikë CNA

Asnjë kryeministër mos qëndrojë më shumë se dy

Sot Lulzim Basha si gjithmonë tha perlën e tij të rradhës, shfaq hipokrizinë, talljen dhe neverinë që ka ndaj shqiptarëve. Kjo edhe në artikulimin që bëri me disa të rinj, kryesisht fëmijë dhe familjarë të atyre që e mbrojtën në seli, ditën që u ngujua në 8 janar.

Basha tha se asnjë kryeministër nuk duhet të qëndrojë në detyrë më shumë se dy mandate. Në fakt, Lulzim Basha e ka mandatine tretë si kryetar i opozitës. Në Europë ka kryeministra që qëndrojnë dy mandate, tre por edhe katër, kemi rastin e Merkel, kemi raste në Francë e Britani Margaret Thatcher e kështu me rradhë.

Por opozita ka një qasje tjetër. Ai që humbet jep dorëheqjen.

Asnjë humbës nuk mund të qëndrojë më shumë se një, jo më shumë se dy apo tre mandate në krye të opozitës. Një humbës largohet. Kështu ndodh në Europë. Kryeministri mund të qëndrojë në detyrë dy, tre, katër mandate, sa shumë vota merr ai nga njerëzit, aq më shumë rri ai në detyrë.

Lulzim Basha kështu thjesht shpreh neverinë e tij ndaj shqiptarëve, të cilët nuk e kanë votuar kurrë për kryeministër dhe ai nga inati i tyre ka zgjedhur të qëndrojë kryetar i PD derisa ta bëjnë kryeministër, megjithëse duhet të kuptojë se s?ka për tu bërë kurrë i tillë.

Se sa më shumë të rrijë në krye të PD aq më shumë i zgjat jetën Edi Ramës dhe aq më shumë i rrit agoninë shqiptarëve, të cilët nuk e duan Lulzim Bashën, nuk e kanë votuar dhe nuk e kanë mbështetur kurrë dhe Lulzim Basha me forcë kërkon t?iu vijë në pushtet. Shqiptarët i thonë ik nga kryetar i opozitës, Luli thotë të ikë kryeministri të mos rrijë më shumë se dy mandate. Unë do rri derisa të ikë kryeministri, do pres rradhën dhe do bëhem nesër, një ditë tjetër dhe unë kryeministër.

Në fakt, kjo është qesharake. Lulzim Basha edhe pse humbës kërkon të ikin fituesit, ky është mentaliteti i tij. Ai që fiton të largohet thotë Luli, ndërsa Luli që humbet të qëndrojë. Këtë mund ta dëgjojmë vetëm në partinë e Lulzim Bashës, nga Lulzim Basha dhe ata që e ndjekin nga pas, kush i gënjyer, kush i paguar, kush nga zyrat e kunatit e bashkëpunëtorë të afërt të cilët po i përdorë edhe si mitingashë me pagesë për të mbushur sallat ku mblidhet dhe thotë këto qyfyre./E.K-CNA.al