E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skandali i Veliajt ndaj FSHF/ Shehi reagon ashpër: Ja çfarë tregon ky veprim i pisët dhe i pështirë

25 Janar 2022, 17:39, Politikë CNA

Kreu i LZHK Dashamir Shehi ka reaguar ashpër ndaj skandalit të kryebashkiakut Erion Veliaj, i cili kërcënoi e shau Federatën Shqiptare të Futbollit.

Në një postim në rrjetin social Facebook, Shehi shkruan se ?establishmenti politik në Shqipëri nuk mund të bejë më zgjedhje të lira dhe të ndershme, sepse këta dhe për zgjedhjet me të vogla, arrijnë në këto lloj ekstremesh?.

Ai shton më tej, se SPAK po përdoret për kërcënime nga ana e politikës dhe përveç intrigave, kjo histori sipas Shehit është e pisët dhe i pështirë dhe e gjitha kjo buron nga institucioni i Kryeministrisë.

?Kjo është prapaskena e parathënieve të kryetarit të bashkisë. Një kryetar bashkie që ndërhyn në një proces zgjedhor për futbollin, ku nuk ka punë fare, me të tillë fjalor, me të tilla veprime, në një farë mënyre inspiron lloj-lloj forcash të pista, të errta. Kjo tregon se c’janë në gjendje të bëjnë këta për cdo lloj zgjedhjesh, për të ruajtur cdo lloj pushteti.

Tirana është copë-copë. Kryetari i bashkisë në vend që të merret me problemet e kryeqytetit, del e kërcënon me duar e me këmbë. Por midis kërcënimeve, nxori dhe disa të vërteta. Tregoi se një pjesë të SPAK-ut e kontrollokan po këta dhe e përdorkan për këtë punë, për kërcënime. E gjithë kjo histori, përvec intrigave, është një histori e pisët, e pështirë, është një derivat i kësaj keqqeverisjeje, i këtij mentaliteti që buron nga kryeministri. Ky në vetvete është vec një ushtar i verbër i atij, por shikoni c’kurajo ka marrë, c’fjalor përdor kundër të gjithë qytetarëve. Kur këta për Federatën e Futbollit janë në gjendje të bëjnë kaq shumë zullume, imagjinoni c’kanë bërë për zgjedhjet e pushtetit? Establishmenti politik në Shqipëri nuk mund të bejë më zgjedhje të lira dhe të ndershme, sepse këta dhe për zgjedhjet me të vogla, arrijnë në këto lloj ekstremesh. Ky është një tregues tjetër i degjenerimit moral e institucional që ka sjellë kjo qeverisje?, shkruan Shehi./E.K-CNA.al