Rilindja ka zgjedhje në FSHF

24 Janar 2022, 14:54, Aktualitet CNA
Rilindja ka zgjedhje në FSHF

Nuk ka asgjë për tu habitur! Mediat publikojnë audiot e kryebashkiakut të Tiranës, Veliaj nga ana e tij nuk i mohon. Asgjë për tu habitur!

Ka zgjedhje në Federatën Shqiptare të Futbollit. Është ishulli i fundit i pakapur nga Rilindja. Kërkohet të kapet me argumentin se duhet hequr Duka pasi ka 20 vjet në krye dhe ka një skenar: Vihet përballë një kandidat sharlatan, qesharak dhe i neveritshëm si Dritan Shakohoxha, i cili më pas do të hiqet dhe në vend të tij do të vendoset Eduard Prodani. Një skemë prej kohësh e lindur nga gjoja armiq, që në fakt përtej garës brenda sportit është kapja e Federatës Shqiptare të Futbollit nga Rilindja.

Ka garë në FSHF, në sektorin që Rilindja e quan si pjesë të brendshme të tij por ende kontrollohet nga grupe armiqësore, nga njerëz që nuk i shërbejnë kryeministrit për interesat e këtij të fundit apo kryebashkiakut të Tiranës apo edhe ndonjë grindaveci si Erion Braçe që prej kohësh sulmon Armand Dukën.

Duka nuk është “shënjtor”. Duka ndoshta nuk është ai që duan të gjithë, por të paktën Duka nuk është pengu i qeverisë, nuk është instrument që përdoret nga Rilindja dhe për sa kohë është i tillë, më mirë Duka se çdo njeri tjetër që do ta kthente Federatën Shqiptare të Futbollit në një drejtori bashkie apo në ndonjë sektor të qeverisë ku do kërciste telefoni nga Ëngjëll Agaçi apo të tjerë instrumenta që Edi Rama përdor për të qeverisur.

Rilindja ka kapur gjithçka. Kuptuam që ka dhe SPAK nën kontroll. Dimë  që ka prokurorinë, ka qerverinë, ka marr peng opozitën dhe e përdor siç i do qejfi Lulzim Bashën.

Tani i kishte ngelur pa marrë edhe futbolli pasi sportet e tjera nuk kanë interes dhe gjithçka duket qartë. Zgjedhjet në FSHF Rilindja duhet ti fitojë prandaj ka zgjedhje në Federatë, jo për të zgjedhur presidentin e saj por një betejë që bëhet nga Rilindja për të kapur presidentin e Federatës që të kthehet në një ushtar të Rilindjes./E.K-CNA.al

Lajmet e fundit nga