Policia e Korçës bën “kërdinë”/ Prangos dy persona, proçedohen dhe katër të tjerë

18 Janar 2022, 10:09, Kronika CNA
Policia e Korçës bën “kërdinë”/ Prangos

Drejtoria Vendore e Policisë së Korçës bën të ditur se ka vënë në pranga dy persona, të akuzuar për vepra të ndryshme penale, si dhe janë proceduar penalisht katër të tjerë.

Specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprën penale ?Dhuna në familje?, të shtetasit L. D., 51 vjeç, banues në fshatin Gurras, Pogradec, pasi në banesë, ky shtetas dyshohet se ka ushtruar dhunë fizike ndaj bashkëshortes së tij shtetases N. D., 58 vjeçe, duke i shkaktuar dëmtime të lehta trupore.

Po nga strukturat e mësipërme, u bë arrestimi në flagrancë për veprën penale ?Prodhimi, mbajtja, blerja apo shitja pa leje e armëve të ftohta?, i shtetasit A. T., 20 vjeç, banues në fshatin Buçimas, Pogradec, pasi në lagjen nr. 1, Pogradec, gjatë kontrollit që shërbimet e policisë ushtruan në mjetin tip ?Benz?, në të cilin ky shtetas ishte pasagjer, në çantën personale të tij gjetën e sekuestruan në cilësinë e provës materiale, një dorezë hekuri (përforcuese grushti).

Gjithashtu filloi procedimi penal në gjendje të lirë për veprën ?Prerja e paligjshme e pyjeve?, për shtetasit A. K., 30 vjeç, banues në fshatin Memëlisht, Pogradec dhe M. Ç., 41 vjeç, banues në fshatin Hudënisht, Pogradec, pasi në Pogradec, këta shtetas janë konstatuar respektivisht me mjetet tip ?Mitsubishi? dhe mjetin tip ?Golf?, pa targa dhe pa dokumente, duke transportuar dru zjarri pa lejen përkatëse./CNA.al

Lajmet e fundit nga