I ftohti do të na “ndjekë” edhe javën e ardhshme/ Parashikimi i motit për ditët në vijim

15 Janar 2022, 09:33, Aktualitet CNA

I ftohti do të na “ndjekë” edhe javën e ardhshme/

I gjithë territori shqiptar është përfshirë nga masa ajrore me origjinë polare të cilat kanë sjellë rrjedhimisht temperatura të ulëta, kryesisht në zonat veriore dhe veri-lindore ku temometri ka shënuar -5 gradë Celsius mëngjesin e sotëm, ndërsa gjatë orëve të mesditës do të bëjë që vlerat termike të ngjiten jo më shumë se 12 gradë Celsius. Ditët më të ftohta të kësaj jave do të jenë dita e enjte dhe e premte, ku pritet që në verilindje kryesisht në zona e bulqizës dhe edibrës të zbresë në -9 gradë Celsius ndërsa edhe në zonat lindore do të shënohen temperatura të ulëta ku termometri zbret në -7 dhe -8 gradë Celsius gjatë orëve të para të ditës.

Sipas Meteoalb, edhe fundjava do të mbetet e ftohtë pavarësisht se do të kemi tërheqjen e kësaj mase të ftohtë polare, sërish mbeten vlera negative në 70% të zonës malore. Ultësira Perëndimore do të ketë një rritje të lehtë në orët e para të ditës ku pritet që gjatë fundjavës termometri të ngjitet në 4 apo 5 gradë Celsius. Përsa i përket orëve të mesditës maksimumi do të kulmojë deri në 13 gradë Celsius.

Sërish java e ardhshme do të mbetet e ftohtë dhe me vlera negative. Përsa i përket vlerave termike do të kemi mot të kthjellët me vranësira të herë pas hershme ku më të dukshme do të jenë në veri-verilindje të Shqipërisë dhe nuk do të mungojnë as momentet e shkurtra me flokë dëbore ndrësa pjesa tjetër e territorit do të paraqitet me mot të kthjellët.

Vlen të theksjomë që prania e erës me origjinë veriore-verilindore do të bëjë që i ftohti të ndihet akoma më tepër nëse në zonat e banuara termometri shënon -9 apo -10 gradë Celsius do të ndihen 3-4 gradë më pak, pra -13 deri në -14 gradë Celsius./ CNA.al