web counter
LEXO PA REKLAMA!

SHKARKO APP

App Store
Google Play

E fundit!

x

Si u keqpërdor Garda në protestën e 8 Janarit/ Profesori tregon detajet

14 Janar 2022, 09:04, Politikë CNA

Profesori dhe akademiku Artan Fuga shkruan se Garda nuk ka asnjë detyrim ligjor që të ruajë ndërtesën e SHQUP, pra selinë e PD.

Në një postim në rrjetet sociale, Fuga thekson se Garda në detyrimin ligjor ka të ruajë vetëm kreun e Opozitës, pra atë fizikisht dhe jo ndërtesën e SHQUP.

Sipas Artan Fugës, Garda në zbatim të detyrave të saj kishte detyrimin ta mbante larg objektin e ruajtjes së vet, ta siguronte duke e ndaluar të shkonte në një vend ku ishte paralajmëruar dhunë. Por, jo të bëhej pjesë e skenareve me dhunë në Partinë Demokratike!

?Trupi i mbretit dhe Mbretëria

Cfarë lidhje ka garda të ruajë ndërtesën e SHQUP-it vetëm Zoti e di!

Garda ndofta ruan trupin e kryetarit të opozitës, por vetëm injorantët në shkencat e së drejtës nuk bëjnë dallimin midis trupit të kryetarit dhe mureve të ndërtesës!

Garda në zbatim të detyrave të saj kishte detyrimin ta mbante larg objektin e ruajtjes së vet, ta siguronte duke e ndaluar të shkonte në një vend ku ishte paralajmëruar dhunë. Por, jo të bëhej pjesë e skenareve me dhunë në Partinë Demokratike!

Ngatërrimi i këtyre të dyjave duket se i ka vendosur në vështirësi punonjësit e Gardës që të jenë përballë manifestuesve çka nuk është detyra e tyre, dhe mbi të gjitha të jenë përkrah individëve të dhunshëm që ushtruan dhunë të paligjshme.

Për këdo që e ka të vështirë kuptimin. Ta zemë kryetari shkon në pijetore dhe dehet, atje zihet me të dehur të tjerë. Garda nuk ka për mision të hyjë në sherr me pijanecët, por e tërheq kryetarin nga birraria ose e ndalon të dehet atje.

Ose kryetari shkon në stadium dhe bën sherr me tifoza të tjerë duke u futur në një përleshje me gjuajtje kanoçesh birre. Garda nuk ka për detyrë të marrë pjesë në sherr, por e heq kryetarin që andej dhe e ndalon ose e këshillon mos bëjë të tilla sherre.

Ndani pra atë që filozofët e dinin që në kohërat e Mesjetës, trupin e mbretit nga Mbretëria!

(Shembujt janë krejt të shpikur)?-shkruan Artan Fuga./CNA.al





Lajmet e fundit nga