web counter
LEXO PA REKLAMA!

SHKARKO APP

App Store
Google Play

E fundit!

x

Abuzimet me pagën minimale/ Qeveria merr masat për nisjen e hetimeve

5 Janar 2022, 16:15, Politikë CNA

Deklarimi i pagave nga ana e punëdhënësve është në fokus të qeverisë.

Në komunikimin e parë me publikun për këtë vit, kryeministri Edi Rama ka deklaruar se deklarimi i pasaktë i pagave të punonjësve është një shkelje penale dhe si e tillë dënohet me burg.

Rama theksoi se abuzimet janë evidentuar në pagën minimale, ku sipas tij do të ketë ndërhyrje tëvazhdueshme për të marrë masat e duhura.

Ndërsa sa i takon deklarimit e një pjese të pagës dhe pjesa tjetër jepet në dorë, për kryeministrin është një skemë e grabitjes së pensioneve të qytetarëve.

?Deklarimi i pasaktë është një shkelje administrative, por në rast se do hyjmë në hetim, atëherë kemi të bëjmë me shkelje penale dhe dënohet me burg. Ata që e kanë marrë këtë letër nga tatimet duhet të reagojnë, ne duhet të kemi një klimë të favorshme për biznesin, por jo të goditen pagat e punonjësve dhe pensionet e tyre.

Nëse deklarohet një pjesë e pagës dhe pjesa tjetër jepet në dorë kemi të bëjmë me grabitjen e pensioneve.

Ka raste abuzive të pagës minimale. Edhe këtu do bëjmë ndërhyrje të vazhdueshme.

Nga ana tjetër dua të theksoj se këtë vit duam të vendosim një nivel të ri me njëri-tjetrin. Ne të dëgjojmë më shumë opinionet tuaja pa dallim dhe për këtë ka nisur procesi dhe duhet të filloni pak nga pak të merreni me shtëpitë tuaja?, tha Rama./E.K-CNA.al





Lajmet e fundit nga