E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

31-vjetori i gazetës së parë opozitare/ Basha nxjerr nga selia gazetarët e RD

5 Janar 2022, 12:01, Politikë CNA

Lufta e Lulzim Bashës me bravat dhe njerëzit që janë kritik ndaj tij, sot ka përfunduar te gazeta zyrtare e Partisë Demokratike, Rilindja Demokratike.

Në 31-vjetorin e themelimit të saj dhe daljes së numrit të parë të gazetës Rilindja Demokratike, stafi i saj janë përballur me ndryshimin e bravave të zyrave dhe largimin nga selia e PD-së, raporton CNA.al. Kryeredaktori Bledi Kasmi dhe gazetarët nuk lejohen të hyjnë në zyrat e redaksisë, gjithashtu ju është hequr aksesi nga web zyrtar i RD.

Në katin e parë të Partisë Demokratike, në godinë e SHQUP-it, ndodheshin zyrat e gazetës Rilindja Demokratike, e cila botohet nga 5 janari i vitit 1991. Gazeta e parë e cila solli fjalën e lirë, ka shërbyer edhe si mjet propagande i pandalshëm i Partisë Demokratike.

Burime zyrtare nga stafi i RD i thanë CNA.al se nga selia është nxjerrë kryeredaktori Bledi Kasmi dhe gazetarët që punon si staf në këtë gazetë, e cila përveçse online dilte dhe në print.

Gjithashtu aksesi online i Rilindja Demokratike.com, dhe së fundi RD.al, është marrë nga njerëzit e Lulzim Bashës, që punojnë në kompaninë e kunatit të tij Erion Isufi.

Pra, gazetarëve u është hequr aksesi online dhe janë larguar nga selia së bashku me kryeredaktorin.

Mësohet se menjëherë Kasmi dhe gazetarët e tij kanë dalë me versionin e ri RD News. Basha e ka të pamundur, qoftë dhe me ligj, qoftë dhe me statut të PD, që ta marrë RD-në nën kontrollin e tij, pasi së fundi me ndryshimet statutore të bëra nga vetë ai, RD-ja është larguar nga kompetencat e Partisë Demokratike.

Ndoshta duket e pabesueshme, por Lulzim Basha me ndryshimet statutore i ka hequr të gjitha kompetencat që Partia Demokratike, kryesia e saj ka pasur mbi Rilindjen Demokratike.

Më parë kryeredaktori emërohej me një vendim të kryesisë, pas firmës së kryetarit dhe sekretarit të përgjithshëm të partisë, nen ky statutor i PD që është hequr. RD-ja funksiononte si gazetë zyrtare e Partisë Demokratike por Basha tashmë e ka fshirë nga statuti.

Duke qënë përballë faktit se gazetarët e RD-së kanë qënë kundër tij Basha i ka nxjerrë ata jashtë dhe iu ka marrë edhe versionin online. Por ligjërisht, nuk do të mundet kurrë të ketë administrimin zyrtar të kësaj gazete.

Kjo për një fakt të thjeshtë. E ka bërë vetë me dorën e tij nxjerrjen e RD-së jashtë statutit të Partisë Demokratike.

Pra, RD-ja nga gazeta zyrtare e PD-së, me gazetarët në një seli tjetër, do të vazhdojë të funksionojë, por jo në varësi të Lulzim Bashës derisa ky i fundit kuptohet, të nxirret nga zyra, gazetarët të rikthehen atje dhe të rifillojë procedura edhe një herë ndryshimet statutore të Partisë Demokratike, për ta kthyer RD-në si kompetencë ligjore të kësaj force politike.

Por, gjithçka po ndodh në datën 5 janar, ditën kur 31 vite më parë doli printi i parë i gazetës RD dhe pikërisht sot pas 31 vitesh, gazeta e cila theu tabutë e komunizmit tashmë po bërballet me neokomunistët e rinj që kanë uzurpuar selinë e Partisë Demokratike./CNA.al