web counter
LEXO PA REKLAMA!

SHKARKO APP

App Store
Google Play

E fundit!

x

Operacioni i SPAK/ Gazetari Fundo tregon si nisën hetimet për inceneratorët

14 Dhjetor 2021, 20:19, Aktualitet CNA

Gazetari dhe editori i CNA.al Elvi Fundo ka treguar detaje nga operacioni i SPAK, që çoi në arrestimin e ish ministrit Lefter Koka dhe dhënien e masës arrest me burg për Klodian Zoto dhe Stela Gugallia.

Në një intervistë për emisionin Log me Endri Xhafo, Fundo deklaroi se ai i ka çuar kërkesë SPAK, por për shkak të hetimeve nuk ka marrë përgjigje, ndërsa shtoi se denoncimet e publikuara në CNA.al kanë nxjerrë në dritë lidhjen e inceneratorëve dhe personat e përfshirë në këtë aferë.

“Kam pasur disa konfirmime për listën e gjatë që SPAK po mblidhte nga QKB, atje ku regjistrohen kompanitë, se sot është verifikuar se si hapeshin kompani që kalonin lekët tek zoti Koka nga inceneratori i Elbasanit. Gjithashtu ka pasur materiale dhe informacione zyrtare me shkresa qëne i kemi çuar, dhe unë personalisht vetë SPAK-ut, por për shkak të hetimeve nuk kthenin përgjigje, por sipas informacioneve që ata kanë përdorur kanë shkuar në institucione duke mbledhur të dhëna. Këto të dhëna ishin të dhënat që ne kemi publikuar. Në fakt tek inceneratori i Elbasanit nuk jemi vetëm ne që kemi denoncuar. CNA.al është vetëm një nga mediat që e ka denoncuar, kanë qenë BIRN fillimisht, më pas edhe media të tjera dhe ne i hymë më thellë inceneratorit të Elbasanit, ndërsa gjetëm atë gjurmën e lidhjes me Fierin, dhe Fierin me Tiranën. Klodian Zoto, sot i shpallur në kërkim dhe me arrest me burg është një person që shkon nga inceneratori i Elbasanit në atë të Fierit dhe pastaj në ABC News”, tha Fundo./E.K-CNA.al





Lajmet e fundit nga