11 Dhjetori është një foltore e thirrur në Tiranë/ Basha: Është manipuluar ndjeshmëria e demokratëve

7 Dhjetor 2021, 13:40, Politikë CNA

Kreu i përkohshëm i PD, Lulzim Basha më një një intervistë në media, ka deklaruar se është i përgatitur për çdo skenar që do të prodhojë Kuvendi i 11 Dhjetorit.

Basha është përpjekur të minimizojë kornizat e Kuvendit të 11 Dhjetorit, duke thënë se pjesë e tij do të jenë ata që kanë marrë pjesë ne Foltore.

?Është një Foltore e thirrur në Tiranë, kur me siguri janë ftuar ata që kanë marrë pjesë në Foltore.

Kuvendi i PD është me 18 Dhjetor. Në një mbledhje të tillë mund të thirren demokratë që më vjen keq se gjatë kësaj periudhë është manipuluar me ndjeshmërinë e tij dhe masakrën e zgjedhore të 25 Prillit?, ka thënë Basha.

Sipas tij, pjesëmarrja në takime të ndryshme, nuk është thelbi i një Kuvendi.

“Kuvendi i Partisë Demokratike thirret sipas rregullave, përfaqësimi përcaktohet nga rregullat, me qëllim që Kuvendi të jetë ai që duan demokratët atje. Të jetë përfaqësuesi i vullnetit të tyre. Ndërkohë në një mbledhje të tillë mund të thirrej njerëz dhe mund të vijnë njerëz të ndryshëm.

Mund të vijnë demokratë për të cilën më vjen keq që gjatë kësaj periudhe është manipuluar me ndjeshmëritë e tyre, me hidhërimin dhe me dëshpërimin e tyre për masakrën zgjedhore të 25 prillit, dëshpërimi që ka kapluar gjithë Shqipërinë pas 25 prillit, stanjacionit politikë, ekonomikë, krizës sociale, por edhe psikologjike që vërejmë kudo edhe tek mbështetësit e Partisë Socialiste. Sepse 25 prilli ka krijuar një anomali, ka thelluar të keqen që në fakt do të largohej me votë më 25 prill, nëse nuk do të ndodhte masakra zgjedhore. Dhe padiskutim që ekziston kjo ndjeshmëri.

Por përveç kësaj ndjeshmërie, për fat të keq ka një keqpërdorim nga zoti Berisha dhe nga një grup funksionarësh rreth tij, të cilët e kanë këtë betejë për interesin e tyre personal. Zoti Berisha e ka këtë për interesin e tij personal. Dhe padiskutim nga kjo pikëpamje, si kryetar i Partisë Demokratike, jam i vendosur që Kuvendin e Partisë Demokratike në 18 dhjetor ta shndërrojmë në një forum vendimmarrës përfaqësues të demokratëve.

Dhe nga ana tjetër t?i japim zë dhe mundësinë për një dialog dhe debat civil çokujt që ka një mendim ndryshe apo që kërkon të kontribuoj në betejën tonë, me kundërshtarin tonë të vetëm, që është regjimi i Edi Ramës”, ka thënë më tej Basha./E.S-CNA.al