LEXO PA REKLAMA!

SHKARKO APP

E fundit!

x

Escobar, "piketon" politikanët/ Ambasada Amerikane paralajmëron zyrtarët e korruptuar

7 Dhjetor 2021, 08:17, Politikë CNA
Escobar, "piketon" politikanët/ Ambasada Amerikane

Ambasada Amerikane njofton se me 9 dhjetor, Zëvendës-Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar do të zhvillojë vizitën e tij të parë në Shqipëri.

Sipas Ambasadës qëllimi është  thellimi i miqësisë së ngushtë mes dy vendeve mbështetur në vlerat e përbashkëta demokratike.

Më tej Ambasada ka zbardhur edhe agjendën e Escobar në Tiranë, zyrtarët me të cilët ai do të takohet.

?Escobar do të takohet me Kryeministrin  Edi Rama, Ministren e Jashtme Olta Xhaçka, Kryetarin e Partisë Demokratike Lulzim Basha dhe udhëheqës të tjerë për të rikonfirmuar mbështetjen e palëkundur të Shteteve të Bashkuara për demokracinë e Shqipërisë, integrimin në BE, bashkëpunim më të fortë në mbrojtje dhe mundësi për tregti e investime.

  Ashtu siç shkruhet në Urdhrat Ekzekutivë të Presidentit Biden, Escobar do të diskutojë gjithashtu edhe mbi vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor?, thuhet në njoftimin e Ambasadës Amerikane./E.S-CNA.al

Lajmet e fundit nga