web counter
LEXO PA REKLAMA!

SHKARKO APP

App Store
Google Play

E fundit!

x

Denar Biba përmes skandalesh merr poste/ Gazetari i kujton shantazhin me Ledio Biankun

7 Dhjetor 2021, 09:55, Politikë CNA

Projektimi i Denar Bibës në krye të Autoritetit të Konkurrencës, sipas gazetarit Adriatik Doçi, është një tjetër akt antimoral dhe sfidë ndaj interesit publik, pas emërimit të Ilir Beqjas në krye të Donacioneve të Huaja.

Me anë të një postimi në rrjetet sociale, Doçi ka risjellë në vëmendje se disa javë më parë, Denar Biba, si anëtar i Autoritetit të Konkurrencës, tradhtoi interesin publik, duke votuar kundër gjobitjes së 7 oligarkëve të miellit, të cilët në bazë të një hetimi disamujor të vetë Autoritetit, kishin arritur një pazar me njëri-tjetrin për fiksimin e çmimit të miellit, duke deformuar tregun dhe konkurrencën e lirë.

Po ashtu ai risjell në vëmendje edhe skandalin me gjyqtarin shqiptar në Strasburg, Ledio Bianku.

?Vota e Bibës ishte vendimtare që oligarkia e miellit të mos ndëshkohej, për vjedhjen e konsumatorit.

Po të shtojmë edhe faktin se Denar Biba ishte protagonist i një shantazhi ndaj gjyqtarit shqiptar në Strasburg Ledio Bianku dhe se bashkëshortja e tij ia mbathi nga drejtësia për të evituar skanimin e pasurisë nga Vetingu, Biba duhej shkarkuar edhe si anëtar i Autoritetit të Konkurrencës.

PS-ja dhe sferat jashtë saj kanë shumë figura me integritet për një pozicion të tillë kaq të rëndësishëm?,-shkruan Doçi.

Sipas gazetarit, promovimi i Denar Bibës është një mesazh i qartë se sa më shumë njolla të kesh dhe sa më shumë i zhytur të jesh, aq më lart ngjitesh.

?Çuditërisht, ngjitja e Denar Bibës në krye të Autoritetit të Konkurrencës nuk po kundërshtohet nga askush, përveç Erion Braçes, i cili sot është e vetmja opozitë e vërtetë në vend?, -shkruan më tej ai./ CNA.al





Lajmet e fundit nga