E fundit!

08:02 Ekonomi

Bie sërish dollari amerikan, Euro nuk lëviz/ Kursi i këmbimit, 2 shkurt 2023

Sot, më 2 shkurt 2023, dollari amerikan blihet me 105.3 l...

A do të shtrëngohen masat për festa?/ Manastirliu sqaron qytetarët

7 Dhjetor 2021, 12:29, Politikë CNA

Ministrja e Shëndetësisë Ogerta Manastirliu ka folur në lidhje me rivlerësimin e masave kufizuese në prag të festive.

Gjatë një vizite në Kukës, Manastirliu tha se ky është një vendim që do duhet të merret nga Komiteti i Ekspertëve duke vlerësuar edhe indikatorët e tjerë të situatës së pandemisë në vendin tonë.

Por, ministrja gjithashtu theksoi se arma që të gjithë kemi në dorë tani është vaksinimi, duke shtuar se situata e imunizimit në vendin tonë është e qëndrueshme.

Manastirliu deklaroi se qeveria nuk do të ndalet derisa çdo qytetar të jetë i mbrojtur nga virusi.

?Dua të them që vendimet merren nga komiteti i ekspertëve. Situata po ndiqet në mënyrë dinamike. Duhet të jemi të kujdesshëm për masat duke rivlerësuar masat që kemi, Esenciale është vaksinimi si armë që kemi kundër virusit apo edhe varianteve që qarkullojnë siç është edhe Omircon. Priten informacione nga institucionet ndërkombëtare për të parë sa i rrezikshëm është ai. Vaksina është arma që ne kemi. Jemi sot këtu edhe për të vijuar fushatën e vaksinimit duke synuar që vaksinimi të shtrihet sa më shumë te të rinjtë.

Shqipëria ka një mbulesë vaksinale që po rritet dita ditës. Është situatë e qëndrueshme e vaksinimit në Shqipëri. Ne nuk do të ndalemi derisa çdo qytetar të jetë i mbrojtur përmes vaksinimit. Fushata e vaksinimit ka disa nivele të operimit. Jemi në një nivel të ri. Prej disa muajsh jemi derë më derë për qytetarët që nuk kanë mundur të shkojnë për t?u vaksinuar. Shëndeti qëndron në majë. Qeveria shqiptare ka siguruar dozat e vaksinave për popullatën dhe ne po ecim me hapa të qëndrueshëm?, tha ajo.

Manastirliu u ndal edhe te fushata kundër dhunës me bazë gjinore ku tha se synohet parandalimi, trajtimi i rasteve emergjente dhe riintegrimi i grave dhe vajzave që bien pre e dhunës përmes arsimimit dhe punësimit.

?Sot në kuadër të 16 ditëve të aktivizmit për dhunën me bazë gjinore jemi në Kukës për të bashkuar zëri me aktorët, komunitetet dhe bashkinë si bashkëpunëtor në luftën kundër dhunës. Puna jonë ndahet në aspekte të parandalimit të këtyre fenomeneve duke përfshirë edhe ngritjen e qendrave sociale. Ministria ka bërë të mundur ngritjen e 30 shërbimeve sociale në të gjitha bashkitë. Do vazhdojmë të ngremë shërbime sociale.

Ajo që është e rëndësishme është jo vetëm për faktin që këto struktura tashmë të financuara nga ministria janë pjesë e mbështetës që bashkitë sigurojnë për parandalimin, trajtimin e rasteve emergjente dhe riintegrimin e viktimave të dhunës me bazë gjinore, përmes punësimit, mbështetjes dhe riintegrimit social. Ajo që synojmë është mbështetja e grave dhe vajzave përmes arsimimit, punësimit duke pasur qëllim kryesor punësimin e grave dhe vajzave në Shqipëri?, u shpreh Manastirliu.

Ministrja tha se përgjatë vitit 2022 pritet të përfundojnë punimet për spitalin e Kukësit.

?Kukësi ka qenë dhe mbetet një nga qytetet prioritet të qeverisë shqiptare në kuadër të investimeve publike. Një prej tyre është spitali i Kukësit. Vlerësojmë që përgjatë vitit 2022 do të përfundojnë duke qenë se ka përfunduar godina e urgjencës. Synojmë që gjatë vitit të ardhshëm të vëmë në punë këtë godinë dhe të përfundojmë punimet.

Investimi në spitalin e Kukësit do i shërbejë të gjithë qarkut. Ne përgjatë këtyre viteve nuk kemi ndalur asnjë moment shërbimet për qytetarët. Falë procesit të specializimit të mjekëve specialistë kemi sjellë dhe do sjellim mjekë specialistë që shërbimet të mos mungojnë në këtë spital. Mos harrojmë që përmes programit të 300 qendrave shëndetësore do rehabilitojmë dhe ndërtojmë qendra shëndetësore. Në bashkinë Kukës kemi përfunduar një seri qendrash shëndetësore? deklaroi ministrja.