LEXO PA REKLAMA!

SHKARKO APP

Vrasja barbare e të miturit dhe dhuna ndaj fëmijëve/ Qytetarët, marshim-protestë në Tiranë

19 Nëntor 2021, 08:57, Aktualitet CNA
Vrasja barbare e të miturit dhe dhuna ndaj fëmijëve/

Vrasja e 8-vjeçarit Mateo Vasiu në Fier ka tronditur mbarë opinionin publik.

Ndërkohë në focus janë rikthyer edhe raste të tilla që kanë ndodhur në të kaluarën, duke sjellë kështu një reagim masiv tek qytetarët.

Sot në Tiranë, qytetarët, shoqëria civile por edhe figura të politikës, si kryeparlamentarja Lindita Nikolla, kanë marshuar në shenjë proteste për ngjarjen e rëndë , që ndodhi në Fier.

Nikolla apeloi që të bëhemi bashkë të gjithë për të parandaluar të tilla tragjedi.

?Përfshirja ime është përfshirja e një nëne, e një qytetare e krye parlamentares për të adresuar këtë problem shumë të rëndë. Secili prej nesh e përjeton dhimbjen humbjen e një fëmijë, sikur të ishte humbja e fëmijës tim. Vetëm kështu mund të bëhemi bashkë për të parandaluar fenomene të tilla.  Si institucion jemi në një moment të rëndësishëm. Parlamenti do të punojë, por do ta përdorë këtë moment edhe për të pasur një proces shterues nga pikëpamja ligjore. Ligjet duhen zbatuar, por duhet një ndërgjegjësim qytetar i komuniteteve, që të denoncojnë dhunë?, është shprehur Nikolla.

E pyetur për mbledhjen e firmave nga familjarët e miturit, për rikthimin e dënimit me vdekje, Nikolla është shprehur kundër.

 ?Jam në dijeni, këta janë momente të forta emocionale, patjetër Shqipëria është pjesë e BE, dhe sinqerisht unë nuk mendoj që ky dënim dhe kthimi pas në këtë vendim do të jetë gjëja e duhur.,. Ka shumë momentet të tjera, por janë vendimmarrje që nuk duhen marrë në emocione të forta?, është shprehur Nikolla./CNA.al

 

Lajmet e fundit nga