LEXO PA REKLAMA!

SHKARKO APP

Shqipëria rikonfirmon besimin e investitorëve dhe tregjeve ndërkombëtare financiare, emeton me sukses Eurobondin e ri 10-vjeçar

18 Nëntor 2021, 18:53, Aktualitet CNA
Shqipëria rikonfirmon besimin e investitorëve dhe tregjeve

Ditën e sotme Republika e Shqipërisë doli në tregjet ndërkombëtare financiare me një obligacion ndërkombëtar të ri 10-vjeçar në vlerën prej 650 milion ? me një kupon prej 3.50% me interes 3.75%.

Procesi u drejtua nga Zv. Kryeministri Z. Arben Ahmetaj dhe Ministrja e Financave dhe Ekonomise Znj Delina Ibrahimi.

Investitorët treguan konfidencë duke shprehur interes në oferta që kaluan 1.8 herë vlerën e kërkuar. Ky ishte një test real për ekonominë shqiptare, që rikonfirmon besimin e tregjeve në qëndrueshmërinë e ekonomisë shqiptare edhe në kohë të vështira, pas goditjes së tërmetit dhe pandemisë.

Transaksioni shënon rikthimin e suksesshëm të Republikës së Shqipërisë në tregjet ndërkombëtare të kapitalit, duke pasuar emetimet e mëparshme të realizuara në 2015 dhe 2018, 2020, ku u arrit financimi me po të njëjtin kupon si në 2020, 3.5% por këtë herë me një afat maturimi 10 vjeçar./CNA.al

Lajmet e fundit nga