E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Kriza energjetike në Shqipëri – Iluzion, fakt apo diversion?

11 Nëntor 2021, 18:29, Aktualitet CNA

Pavarësisht përpjekjeve nëpërmjet komunikimeve publike të qeverisë dhe institucioneve, Shqipëria mbetet sot e pas 30 vitesh pluralizëm mbetet ndër vendet e para në Evropë për pasuritë hidrike dhe vendi i parë në botë për keqmenaxhimin e tyre. Shqipëria e 2021 është vendi që përmbytet rregullisht, tek sa ka toka djerrë të paujitura dhe uji i pijshëm mungon rregullisht në qytetet kryesore të vendit, pa përmendur cilësinë dhe sigurinë e tij.

Por çështja nuk është kjo në këtë artikull.

Tek sa konsumi kryesor i energjisë elektrike varet drejtëpërsëdrejti nga prodhimi i HEC-eve, kjo varësi është e ndërvarur në të paktën tre parametra.

E para natyrisht janë sasia e prurjeve dhe reshjeve, për të cilat duhet të jemi të ndërgjegjshëm se këtë vit kanë qenë shumë të ulta. Kjo është një sfidë aspak e vogël, madje një mësim dhe emergjencë ulëritëse për vitet në vijim, ku kjo varësi duhet me patjetër adresuar në burimet e tjera të rinovueshme, diellin, erën dhe ato licenca e koncesione që janë miratuar pa hesap dhe s?janë vënë në punë asnjë ditë.

E dyta do të ishte marrëdhënia dhe marrëveshjet që vendi ynë ka jo vetëm me fqinjët, nominalisht Kosovën, por sidomos me aktorët vendas dhe të huaj që operojnë në shitblerjen e energjisë. Me shumë rëndësi strategjike dhe ekonomike është rishikimi i të gjitha kontratave dhe marrëveshjeve të deritanishme për menaxhimin energjisë së prodhuar dhe të konsumuar, përfshirë edhe institucionin e OSHEE.

E treta, jo për nga rëndësia, është edhe ajo çka ndodh me energjinë e prodhuesve vendas, qofshin shtetërorë apo privatë. Sidomos tek prodhuesit privatë dhe kontratat e lidhura me ta. Kemi Ashtën, Devollin dhe plot HEC-e të tjera mbase më të vegjël, energjia e të cilëve prodhohet bazuar në burimet natyrore kombëtare. E thënë kjo që, pavarësisht klauzolave të ndryshme ligjore në marrëveshjet koncesionare, duke qenë se kriza të tilla mbase dhe me të drejtë nuk janë parashikuar në detaje në kohën e nënshkrimit, është e domosdoshmë të rithirren për negociata në lidhje me rregullimet e nevojshme që adresojnë nevojat parësore kombëtare, pa cënuar interesin ekonomik të koncesionarëve. Natyrisht që edhe kjo, kërkon sërish një menaxhim të drejtë dhe ligjor, larg abuzivizmit të deritanishëm që CNA.al ka zbuluar dhe denoncuar./CNA.al